+7 (701) 759 90 19
USD 389.52 EUR 429.21
RUB 6.07 CNY 54.94
Jańalyqtar

Zorlyq-zombylyq aktileri maqsatyna jete almaıdy – Senat spıkeri

2019 jylǵy 18 qyrkúıek 11:15
Bólisińiz:
Zorlyq-zombylyq aktileri maqsatyna jete almaıdy – Senat spıkeri

NUR-SULTAN. QazAqparat – Ekstremızm, terrorızm máseleleri jáne zorlyq-zombylyqtyń ózge de túrleri áli kúnge deıin kún tártibinen túsken joq. Bul týraly búgin QR Parlamenti Senatynyń tóraǵasy – Álemdik jáne dástúrli dinder lıderleri sezi hatshylyǵynyń basshysy Darıǵa Nazarbaeva aıtty, dep habarlaıdy QazAqparat tilshisi.

Uqsas jańalyqtar
Qazaqstan konfessııaaralyq dıalogtyń ashyq alańyna aınaldy Darıǵa Nazarbaeva álemdik dinder lıderleriniń ókilderimen kezdesti Álemdik dinder sezi: «Erikti elshi» ataǵyn berý usynyldy

Otyrysy barysynda Senat spıkeri Álemdik jáne dástúrli dinder lıderleriniń І sezi álemdi tolyq derlik konfessııaaralyq senimniń daǵdarysy jaılap alǵan kezeńde ótkenin eske saldy. Ókinishke qaraı, ekstremızm, terrorızm máseleleri jáne zorlyq-zombylyqtyń ózge de túrleri áli kúnge deıin kún tártibinen túspegenine nazar aýdartty. Onyń aıtýynsha, osy jyldar ishinde ǵıbadathanalary men dindarlaryna ekstremıster qastandyq jasamaǵan konfessııa joq deýge bolady.

«Alaıda biz búgingi kúni mundaı zorlyq-zombylyq aktileri qoǵamǵa iritki salýdy kózdegen maqsatyna jete almaıdy dep senimdi túrde aıta alamyz. Kerisinshe, olar planetamyzdyń barsha turǵyndarynyń beıbit ómir men qaýipsizdik úshin yntymaqtasýyna yqpal ete otyryp, adamzatty biriktiretinine kúmánimiz joq. Álemdik jáne dástúrli dinder sezi Jer betindegi bitimgershilik protsesine, adamdardy tózimdilik men syılastyq rýhynda tárbıeleýge ólsheýsiz úles qosty dep sanaımyn», - dedi Darıǵa Nazarbaeva.

Onyń sózine qaraǵanda, sezdiń alǵashqy deklaratsııasynyń ózinde qatysýshylar «dinı erekshelikterdi óshpendilik pen alaýyzdyq quraly retinde paıdalanýǵa jol bermeýge barynsha kúsh salyp, adamzatty dinder men mádenıetterdiń jahandyq qaqtyǵysynan qorǵaýǵa» daıyn ekendigi týraly, sondaı-aq «tózimdilik, shyndyq, ádildik pen súıispenshilik sııaqty qundylyqtardy kez kelgen ýaǵyzdyń negizgi maqsaty retinde ilgeriletý» týraly málimdedi.

«Búgin 2015 jylǵy maýsymdaǵy Álemdik jáne dástúrli dinder lıderleriniń besinshi sezine qatysýshylar qabyldaǵan Deklaratsııanyń: «Áskerı janjaldar taraptaryn qaqtyǵystardy toqtatýǵa, bitimgershilik jarııalaýǵa jáne kelissózder arqyly zorlyq-zombylyqty toqtatýǵa, beıbit ómir súrip jatqan azamattardy qorǵaýǵa, barlyq qarama-qaıshylyqtardy beıbit túrde sheshýge shaqyrý týraly» qaǵıdattarynyń birin eske alǵan oryndy sııaqty», - dedi ol.

Aıta keteıik, búgingi otyrysta Álemdik jáne dástúrli dinder lıderleriniń VI Sez qorytyndylary men Hatshylyq qyzmetiniń keleshegi boıynsha pikir almasylady. Sodan keıin 2021 jylǵy Álemdik jáne dástúrli dinder lıderleriniń VII Sezin ótkizý boıynsha usynystar talqylanady.


Bizdiń kanalymyzǵa jazylyńyz:

Basty sózder: Senat, Din, Dinder sezderi,
Bólisińiz:

Avtor:

Marlan Jıembaı

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Erbol Janat
Erbol Janat
954-059
REDAKTOR
Janıbek Amangeldı
Janıbek Amangeldı
954-059

MURAǴAT