Zorlanǵan 7 jasar qyz týraly is qujattaryn ınternetke taratqan polıtseıler jazalandy – ShQO

ÓSKEMEN. QazAqparat – Polıtsııa departamentiniń buıryǵymen ınternetke qyzmettik qujatty taratyp jibergen Shemonaıha aýdanynyń tártip saqshylary qatań sógis aldy, dep habarlaıdy QazAqparat tilshisi ShQO PD baspasóz qyzmetine silteme jasap.

Uqsas jańalyqtar

Shymkentte tóbelesken jastar arasynda atys boldy

Elordada polıtsııaǵa kómek kórsetken 500-ge jýyq azamat marapattaldy SQO polıtseıleri 7 adamdy órtenip jatqan úıden alyp shyqty Qostanaı oblysynda jol apatynda polıtsııa qyzmetkeri qaza tapty

«16 laýazymdy tulǵa, onyń ishinde ІІB bastyǵy da qatań sógis aldy. «Jasóspirimdi zorlaý» jáne «Ózine qol jumsaý» baptary boıynsha bastalǵan qylmystyq isterdi qatań baqylaýyma aldym», - deıdi ShQO polıtsııa departamentiniń bastyǵy, general-maıor J. Baqtybaev.

Eske sala ketsek, buǵan deıin Shyǵys Qazaqstan oblysynda 7 jasar qyzdy zorlaǵan jigit asylyp ólgeni habarlanǵan bolatyn.

Máıitti Shemonaıha polıtsııa bóliminiń jedel qyzmetkerleri tapty. Buǵan deıin bir áıel ózimen birge turatyn jigit 2012 jyly týǵan qyzynyń dármensiz kúıin paıdalanyp, onymen jynystyq qatynasqa túsip, sodan keıin qashyp ketkenin aıtyp, shaǵymdanǵan. Azǵyn oıyn iske asyrǵan adam ol kezde mas bolǵan.

7 jasar qyzdy zorlaǵan er adamnyń denesi tabyldy.

«Aldyn ala boljam boıynsha, ol ózine qol jumsaǵan», - dep habarlady ShQO PD baspasóz qyzmetinen.