+7 (701) 759 90 19
USD 425.59 EUR 505.43
RUB 5.61 CNY 64.83
Jańalyqtar

Jylytý maýsymyna daıyn emes kásiporyndarǵa jaýapkershilikti kúsheıtý kerek- Noǵaev

2020 jylǵy 30 qyrkúıek 11:17
Bólisińiz:
Jylytý maýsymyna daıyn emes kásiporyndarǵa jaýapkershilikti kúsheıtý kerek- Noǵaev

NUR-SULTAN. QazAqparat – Energetıka kásiporyndaryna kúzgi-qysqy kezeńdegi jumysqa ázirlik pasporttaryn almaǵany úshin ákimshilik jaýapkershilikti qatańdatý kerek. Bul týraly búgin Úkimet otyrysynda QR Energetıka mınıstri Nurlan Noǵaev aıtty, dep habarlaıdy QazAqparat tilshisi.

Uqsas jańalyqtar
Qazaqstanda elektr energetıkasynda manevrlik qýattar salý yntalandyrylmaq Túrkistan oblysynyń aýdandaryndaǵy eldimekender 99,8% gazben qamtylady Elorda mańyndaǵy birneshe eldi meken tabıǵı gazǵa kóshedi - ákim

«Aǵymdaǵy jylytý maýsymy Nur-Sultan qalasynda, Aqmola, Batys Qazaqstan, Pavlodar, Soltústik Qazaqstan, Shyǵys Qazaqstan, Qostanaı jáne Qaraǵandy oblystarynda bastaldy. Osy jyldyń 1 qazanynan bastap Aqtóbe jáne Atyraý oblystarynda jylytý maýsymyn bastaý josparlanyp otyr. Elimizdiń ońtústik óńirlerinde jylytý maýsymyn 15 qazannan bastap josparlanyp otyr. Vedomstvoaralyq komıssııanyń sheshimine sáıkes Energetıka mınıstrligi jergilikti atqarýshy organdarǵa koronavırýs ınfektsııasy jaǵdaıyna baılanysty jylytý maýsymyn aldyn ala bastaý týraly usynys engizdi», - dedi ol.

Mınıstrdiń dereginshe, 28 qyrkúıektegi jaǵdaı boıynsha, kúzgi-qysqy kezeńdegi jumysqa ázirlik pasporttaryn alýǵa mindetti 293 energetıkalyq kásiporynnyń 136-synan materıal kelip tústi. Ázirlik pasportyn qaraý jónindegi komıssııa jumysynyń nátıjeleri boıynsha 67 energııa kásiporny ázirlik pasportyn aldy, 69 materıal qaralýda.

«Búgin ázirlik pasporttaryn alýǵa arnalǵan ótinishterdi qabyldaýdyń sońǵy kúni ekenin áriptesterimniń qaperine salamyn. Energııa kásiporyndarynyń ázirlik pasporttaryn alýǵa arnalǵan materıaldardy usynbaýynyń negizgi sebepteriniń biri – ákimshilik aıyppul mólsheriniń tómendigi. Energetıkalyq kásiporyndar kúzgi-qysqy kezeńdegi jumysqa daıyndyq sharalaryna shyǵyndalǵansha, aıyppul tólegen jeńil de jáne yńǵaıly dep sanaıdy», - dedi Nurlan Noǵaev.

Onyń aıtýynsha, energııa óndirýshi, energııa berýshi uıymdardyń kúzgi-qysqy jaǵdaılarda jumys isteýge ázirlik pasportyn alý merzimin buzýy shaǵyn kásipkerlik sýbektilerine – 50, orta kásipkerlik sýbektilerine – 150, iri kásipkerlik sýbektilerine 300 aılyq eseptik kórsetkish mólsherinde aıyppul salýǵa ákep soǵady.

«Osyǵan baılanysty Energetıka jáne Ádilet mınıstrlikterine energetıkalyq kásiporyndardyń kúzgi-qysqy kezeńdegi jumysqa ázirlik pasporttaryn almaǵany úshin ákimshilik jaýapkershilikti qatańdatý máselesin pysyqtaýdy tapsyrýyńyzdy suraımyz», - dedi Nurlan Noǵaev.


Bizdiń kanalymyzǵa jazylyńyz:

Bólisińiz:

Avtor:

Marlan Jıembaı

Pikir qaldyrý
+7
Jiberý
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Erbol Janat
Erbol Janat
954-059
REDAKTOR
Jarylqasyn Saıagúl
Jarylqasyn Saıagúl
954-059

MURAǴAT