+7 (701) 759 90 19
USD 425.05 EUR 509.29
RUB 5.58 CNY 64.66
Jańalyqtar

Jylqy eti men qymyzdan asqan dárýmen joq - Tóregeldi Sharmanov

2020 jylǵy 12 shilde 10:51
Bólisińiz:
Jylqy eti men qymyzdan asqan dárýmen joq - Tóregeldi Sharmanov

NUR-SULTAN. QazAqparat - Medıtsına ǵylymdarynyń doktory, akademık Tóregeldi Sharmanov koronavırýs ınfektsııasynyń aldyn alý, úı jaǵdaıynda emdelý sharalary, boıǵa qýat beretin as máziri týraly keńes berdi. Bul týraly QazAqparat Ortalyq Qazaqstan gazetine silteme jasap habarlaıdy.

«Bul indet tosynnan paıda boldy dep aıtýdyń ózi aýyr. Eger, dál solaı desek, aqıqattan aýytqyp ketýimiz yqtımal. Din salasyndaǵylar muny Allanyń nazasyna balap júr. Qısyny bar. Adamzat balasynyń Alladan aıla asyramyn degen astamshylyǵyna Jaratýshymyzdyń nazalanýy ábden múmkin. Ǵalymdar indettiń taralý jyldamdyǵyn tabıǵı tepe-teńdiktiń buzylýynan izdep jatyr. Saıası oıynnan shyqqan ot dep júrgender de bar. Áıteýir, asa qaýipti indet ekenin kózimiz kórip otyr. Saqtaný kerek. Ár adamnyń jaýapkershiligi, bir-birimizge degen janashyrlyq kerek», - deıdi Qazaq taǵamtaný akademııasynyń prezıdenti Tóregeldi Sharmanov.

Qanshama jyldan beri salaýatty ómir saltyn ustanyp kelgen akademık tamaqtaný ratsıonyn ózgertpegenin aıtty.

«Keıbir jaǵdaıda boıǵa qýat beretin, aǵza ımmýnıtetin kóteretin taǵamdar kólemin ulǵaıttym. Jylqy etin jeımin. Qymyz ishemin. Jaıaý júrip, jattyǵý jasaımyn. Adam áýeli ózine jany ashýy kerek. Ózine jany ashyǵan adam, ózin jaman indetten saqtandyra bilgen adam – ultqa jany ashyǵan adam. Osyny esten shyǵarmaǵan abzal», dedi Tóregeldi Sharmanov.

Onyń aıtýynsha, indetpen kúresýdiń nátıjeli bolýy úshin eń áýeli adamǵa sabyr, tózim kerek.

«Dál osy keseldiń psıhologııalyq saldary – óte aýyr. Biz – nebir jaýgershilik zamandy, asharshylyq náýbetin, soǵys jyldaryndaǵy aýyr turmys deısiz be, nebir aýyrtpalyq kórgen jáne jeńgen rýhy berik halyqpyz. Muny da jeńemiz! Qazir bizde múmkindik kóp. Tehnologııa damyǵan, bilimdi, bilikti mamandar bar. Zaman ózgergen. Sol úshin erteńge degen senimnen adaspaý kerek. Kúni erteń týatyn mamyrajaı tirlikten kúder, úmit úzbeýimiz kerek. Bul indettiń eń basty emi – sabyr», dedi Tóregeldi Sharmanov.

Akademık «ımmýnıtetti kóterý, aýrýǵa aǵzanyń qarsy turý qabiletin arttyrý degen máselede men qazaqtyń ulttyq taǵamdaryn ǵana aıtamyn» dedi.

«Árıne, as mázirińizde balyq, jemis-jıdek sekildi dárýmenge baı taǵamdar bolýy qajet. Biraq jylqy eti men qymyzdan asqan dárýmen joq. Qurt qosylǵan sorpanyń mańyzy erekshe. Endi bul jerde mynadaı bir másele bar. Maman retinde bir taǵamnyń qunary, paıdasy týraly aıtsań, erteń-aq ol taǵamnyń baǵasy sharyqtap shyǵa keledi. Mysaly, men jylqy etin aıtyp otyrmyn. Osy indetti jeńemin degen adamnyń bárinde dál qazir jylqy soıyp alýǵa nemese jylqy etin satyp alýǵa jaǵdaıy kelmeýi múmkin. Dámelený bar da, ony tutynýǵa dármenniń joqtyǵy bar. Baǵaly nársege qoly jetpegen adamnyń júıkesine salmaq túsedi. Al, júıkeniń mazasyzdanýy derttiń ýshyǵýyna jol ashyp beredi. Sondyqtan, jylqy etin satyp alamyn dep tyrashtanýdyń da, satyp ala almasań, mazasyzdanýdyń da qajeti joq.

Negizinen, et taǵamdaryn kóbirek tutyný kerek. Qansha aýyr bolǵanymen, qoı etiniń de emdik qasıeti zor», - deıdi ol.


Bizdiń kanalymyzǵa jazylyńyz:

Bólisińiz:
Pikir qaldyrý
+7
Jiberý
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Aıdar Ospanalıev
Aıdar Ospanalıev
954-059
REDAKTOR
Jarylqasyn Saıagúl
Jarylqasyn Saıagúl
954-059

MURAǴAT