+7 (701) 759 90 19
USD 425.75 EUR 499.32
RUB 5.85 CNY 65.88
Jańalyqtar

Jylandar, órmekshiler: Temirtaý turǵyny ekzotıkalyq bıznes ashty

2021 jylǵy 4 tamyz 22:24
Bólisińiz:
Jylandar, órmekshiler: Temirtaý turǵyny ekzotıkalyq bıznes ashty

TEMІRTAÝ. QazAqparat – Temirtaýda «Ekzotıkalyq jándikter» erekshe bıznes-jobasy júzege asyrylýda. Memlekettik qoldaýdyń arqasynda hobbı otbasylyq bızneske aınaldy. Sergeı men Lıdııa Malıarovtar qalalyq saıabaqta Qazaqstannyń jáne basqa da elderdiń jándikter álemi usynylǵan kórme ashty, dep habarlaıdy QazAqparat tilshisi.

Uqsas jańalyqtar
«Bastaý Bıznes» arqyly 55 myń adam óz kásibin ashty – Abylaı Myrzahmetov Kásipker jemqorlyqqa qarsy qyzmettiń aralasýymen 42 mln teńge demeýqarjyǵa qol jetkizdi - SQO Joldaý: mıkroqarjy uıymdary arqyly qoldaý kórsetken óte oryndy - Oljas Ordabaev

Bala kezinen Sergeı faýnaǵa jaqyn bolǵan. Ol mektep jasynda jylandy qalaı ustap, úıge ákelgenin esine alady. Biraq hobbıimen baılanysty emes mamandyqty tańdaǵan. On bes jyl metallýrgııa zaýytynda jumys istegen. Sodan keıin ol páterlerdi jóndeýmen aınalysty.

Hobbıi qaldy. Ol úıinde taraqandar, órmekshiler, kesirtkeler men jylandardyń úlken kollektsııasyn jınaǵan.

Ekzotıkalyq bıznes-ıdeıany áıeli Lıdııa usyndy. Onyń kásipkerlikte de tájirıbesi joq.

«Men Astanadan Temirtaýǵa keldim. Elordada shashtaraz bolyp jumys istedim. Úsh jyl buryn men Sergeımen tanystym jáne birge turýdy sheshtik. Dostarymyzdan «Bastaý bıznes« baǵdarlamasy týraly bildik. Kýrstarǵa jazylyp, oqýdan óttik. Bıznes-jobany qorǵap, grant aldyq. Kúıeýim onyń kollektsııasyn árkim kóre alatyndaı kórme ashýdy armandady. Endi – bul bizdiń otbasylyq isimiz», – deıdi Lıdııa Malıarova.

Erekshe ıdeıa, árıne, komıssııany tańǵaldyrdy. Biraq joba baǵalandy, maquldandy. Usynylǵan aqshaǵa Malıarovtar terrarıýmdar men ústelder jasaý úshin materıaldar satyp aldy. Olardy ózderi jınap, zaldy bezendirdi.

Jańa bastaǵan kásipkerler olarǵa qoldaý kórsetkeni úshin rızashylyq bildirýde. Mádenıet bólimi arqyly «Vostok» qalalyq saıabaǵynyń aýmaǵynda úı-jaılardy jalǵa alý týraly kelisimge qol jetkizildi.

Ekspozıtsııada Qazaqstanda ómir súretin shaıandar men gekkon kesirtkeleriniń birneshe túri bar. Dala agamasy usynylǵan. Terrarıýmdardyń birin jyrtqysh qońyzdardyń úlken otbasy aldy. Kollektsııa ıesiniń aıtýynsha, jasyl baqa Sátbaevtan, sý jylany Jezqazǵannan ákelingen. Qola qońyz Temirtaý mańynda jınaldy.

Kelýshiler sondaı-aq kamýflıaj sheberi – taıaqsha qońyzdy kóre alady. Avtomobıl-taraqandar da bar.

Bıyl Malıarovtar Qyzylqum shóline ekspedıtsııaǵa baryp, kollektsııaǵa birneshe jańa úlgiler jınap alyp keldi.

Jobanyń iske qosylǵanyna bir jyl da tolǵan joq, alaıda onyń negizin qalaýshylar ındýstrııa qurýdy kózdep otyr.

«Biz Qazaqstandaǵy jándikter áleminiń baılyǵyn kórsetkimiz keledi. Bul balalar úshin de, eresekter úshin de paıdaly. Sheteldik týrıster úshin de qyzyqty bolady dep oılaımyn. Qaraǵandyda kórme pavılonyn ashamyz dep úmittenemiz. Bizdiń jobamyzdyń basqa da múmkindikteri bar – ǵylymmen yntymaqtastyq. Qaraǵandy ýnıversıtetimen seriktestik ornatýǵa úlken yqylas bar. Stýdenttik tájirıbe úshin óz bazamyzdy berýge daıynbyz. Birlesken zertteý jobalaryn damytýǵa bolar edi», – dep josparlarymen bólisti Sergeı Malıarov.




Bizdiń kanalymyzǵa jazylyńyz:

Bólisińiz:

Avtor:

Agata Mýhamedjanova

Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER

MURAǴAT