+7 (701) 759 90 19
USD 388.07 EUR 427.54
RUB 6.08 CNY 55.36
Jańalyqtar

Jylaǵan búldirshindi kórgende óz qyzym elestep ketti - Túrkistanda órtten adamdardy qutqarǵan polıtseı

2019 jylǵy 13 qyrkúıek 16:18
Bólisińiz:
Jylaǵan búldirshindi kórgende óz qyzym elestep ketti - Túrkistanda órtten adamdardy qutqarǵan polıtseı

TÚRKІSTAN. QazAqparat – Túrkistan qalasyndaǵy qonaq úıde bolǵan órtte 5 jasar qyz ben 2 túrik azamatyn qutqaryp qalǵan polıtsııa maıory Qanat Raqyshev óziniń bul áreketin erlik dep sanamaıtynyn aıtady. QazAqparat tilshisine suhbat bergen tártip saqshysynyń aıtýynsha, onyń ornynda bolǵan kez kelgen azamat osylaı áreket eter edi.

Uqsas jańalyqtar
Qaraǵandy polıtseıleri 9-qabattan sekirmek bolǵan kelinshekti qutqardy Atyraýlyq Asylbek Bekimov júzdegen jandy tilsiz jaýdan aman alyp qalǵan Astanada 13-qabattan qulaýǵa shaq qalǵan 6 jasar bala qutqaryldy

Túrkistan oblystyq polıtsııa departamenti patrýldik polıtsııa batalony komandıriniń orynbasary Qanat Raqyshev oqıǵanyń qalaı bolǵanyn baıandap berdi. Onyń sózinshe, sol kúni qyzmet barysymen qaladaǵy nysandardy aralap, tekserip júrgen.


«Túrkistanǵa kúzetilýi tıis basshylar kele jatyr degen soń biz qalanyń ishin qarap júrgen edik. Sol kezde qonaq úı jaqtan tútin shyqqanyn baıqadyq. Oqıǵa ornyna barsaq, órt endi bastalǵan eken. Áli órt sóndirýshiler de kelmepti. Janymda áriptesterim JPQ bastyǵy Ulyqbek Myltyqov pen onyń orynbasary Baqytqalı Kenjebaev, júrgizýshi Qaırat Álekeshovtar bar bolatyn. Men birden qonaq úıge kirip, ishinde eshkim qalmady ma dep qarap júrdim. Qarasam, sol qabatta ashana bar eken. Ashananyń mańaıy janyp jatyr. Al, dálizde eki túrik azamaty júr. Qoldarynda shabadandary bar. Júrińizder desem, olar qorqyp júrmeı qoıdy. Turyp qalǵan. Sebebi, órt ol kezde órshı túsken edi. Olar túrikshe sóılep jatyr, men qazaqsha túsindirip jatyrmyn, bolmaıdy. Sodan qonaq úıdiń ishindegi órt kúsheıip, perdeler janyp, qulap jatyr. Terezeler synyp ketken. Al, syrtqa shyǵatyn jer bireý-aq. Men júgirip baryp, sheteldikterdiń bireýin qolynan ustaımyn da, ekinshisin súırep kettim. Tómen túsetin tepkishektiń qasyna kelgende jalyn kúsheıgen, ottyń janynan basymyzdy eńkeıtip óttik. Arǵy jaǵynan órt sóndirýshiler keledi. Túrik azamattaryn alyp shyqqanymyz sol edi, biz shyqqan aýmaqta jarylys boldy»,- deıdi Qanat Raqyshev.

Polıtsııa maıorynyń sózinshe, tótenshe jaǵdaı kezinde sanaýly sekýndtardyń ózi mańyzdy bolyp ketedi. Al, jarylys bolǵanda qatty tolqynnan otty óshirip júrgen jigitter 5-6 metr jerge deıin ushyp ketken. Bireýleriniń beti kúıip, túrli dene jaraqatyn alǵan. Olardyń qyzmeti kez kelgen marapatqa laıyq. Tártip saqshysy órt kezinde áriptesi Ermek Óserbaevtyń da adamdardy qutqarý úshin ǵımaratqa kirip, jarylys bolǵan kezde ishinde qalyp qoıǵanyn aıtady. Keıinnen áýpirimdep júrip, syrtqa áreń shyqqan.

«Syrtqa shyqsaq adamdar jınalyp qalǵan eken, shýlap jatyr. Aıtýlarynsha, qonaqúıdiń ishinde kishkentaı bala qalyp ketken. Ony estip bir órt sóndirýshi ekeýmiz ǵımarattyń ishine júgirip kirdik. Ekeýmiz esikterdi teýip ashyp, qaraı bastadyq. Ol qulyptaýly turǵan bir esikti ashqanda ishinen jylap turǵan kishkentaı qyz shyqty. Ol jigit qyzdy maǵan berdi de, ózi basqa esikterdi qaraýǵa kirip ketti. Janyp jatqan otqa qaramastan, basyn qaterge tigip ketti. Ǵımarattyń ishi qara tútin, túk kórinbeıdi. Men qyzdy alyp túsip bara jatqanda aıaǵym taıyp, qulap qaldym. Óıtkeni dálizderdiń barlyǵyna sý shashylyp, eden taıǵanaq bolyp ketken. Qolymdaǵy qyzdy barynsha jubatyp, jylama dep aıttym. Anań qaıda dep surasam, qurylys alańyna ketken dep qoıady. Qyzdaryn bólmege qaldyryp, esiginiń syrtynan qulyptap ketken eken. Syrtqa alyp shyqqanda qarasam, bir áıel ishke kiremin dep jylap tur eken. Ony biraq órt sóndirýshiler men polıtseıler jibermesten ustap tur. Qyzdy dereý sol kisilerge tabystadym. Búldirshin qatty qorqyp qalǵan. Ony keıin aýrýhanaǵa alyp ketti dep estidim», - deıdi polıtseı.

Kútpegen jerde qıyn sátterdi bastan ótkergen Qanat Raqyshev órt sóndirýshilerdiń kózsiz batyrlyǵyna rıza bolǵanyn aıtady. Sebebi, adamdardy aman alyp qalý úshin basyn qaterge tigý kez kelgenniń qolynan kele bermeıdi.

«Syrtqa shyqqqanda qatty jalynnan órt sóndirýshilerdiń kúıip qalǵanyn kórdim. Bireýiniń beti kúıgen de, terisi sypyrylyp túsip qalypty. Jedel járdem kóliginiń ishinde aıǵaılap jatyr. Qazir oılap tursam, olardyń jumysy naǵyz erlik eken. Ottyń ishine kirip, óz ómirin qaýipke tigý degen naǵyz batyrlyq qoı. Ómir men ólimniń arasynda júredi dep aıtsam da bolady. Al, ózime keletin bolsam bastapqy kezde adam balasymyz ǵoı, bizde de qorqynysh boldy. Biraq ishke kirgende bir nárse oılaýǵa ýaqyt bolmaıdy, ár sekýnd mańyzdy ról oınaıdy. Ásirese, kishkentaı qyz ishte qalyp ketti degendi estigende, ózimniń qyzymdy oıladym. Sol jylap turǵandaı bolyp elestep ketti. Onyń ornynda meniń qyzym bolsa, ne bolar edi degen oı keldi. Óıtkeni, meniń de úsh uldan keıin týǵan bes jasar qyzym bar. Ony qatty jaqsy kóremin»,- deıdi Qanat Raqyshev.

2006 jyldan beri ishki ister salasynda qyzmet etip júrgen polıtsııa maıory - Almaty oblysynyń týmasy. Qyzmet babymen qazir Túrkistan oblysynda eńbek etip júr. Búginde úsh ul men bir qyzdyń ákesi patrýldik polıtsııa batalonynda minsiz qyzmet etýde. Oǵan kúni keshe ottyń ortasynda qalyp, aman qalǵan túrik azamattary da rızashylyǵyn bildirdi.

Eske sala keteıik, Túrkistan qalasyndaǵy Sattarhanov kóshesinde ornalasqan «ROYAL GRAND HOTEL» qonaqúıiniń aýmaǵynda jarylys boldy. Málim bolǵandaı, qonaqúıdiń artqy jaǵynda gaz tsısternasyn toltyrý barysynda gaz tasymaldaıtyn avtokólik jarylǵan.

«Qazirgi tańdaǵy aqparat boıynsha, qaza bolǵandar joq», - dedi oblystyq Tótenshe jaǵdaılar departamentiniń bastyǵy Nurǵalı Júnisov.

Oqıǵa saldarynan japa shekken 11 adamǵa medıtsınalyq kómek kórsetildi.



Bizdiń kanalymyzǵa jazylyńyz:

Basty sózder: Túrkistan oblysy, Oqıǵa, Qoǵam,
Bólisińiz:

Avtor:

Aınur Aqbaeva

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Bakytjan Erbasov
Bakytjan Erbasov
954-059
REDAKTOR
Erbol Janat
Erbol Janat
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT