Jańalyqtar  >
Jyl saıyn elordada 10-nan astam mektep salý kerek – Altaı Kólginov
2022 jylǵy 17 tamyz 15:10

Jyl saıyn elordada 10-nan astam mektep salý kerek – Altaı Kólginov

NUR-SULTAN. QazAqparat – Elorda ákimi Altaı Kólginov qalada úlken mektepterdi salýǵa basymdyq beriletinin aıtty, dep habarlaıdy QazAqparat.

«Byltyrdan beri oqýshylardyń biraz bóligin qamtı alatyn iri mektepterdiń qurlysyna qatysty qanatqaqty jobalarǵa kirisken edik. Buǵan deıin bir aýysymda eń úlken mektep 1,2 myń oryndy, al eki aýysymda 2,4 myńdy qamtıtyn. Endi 2 myń orynǵa eseptelgen alty mektep saldyq. Eki aýysymda oqytsa, bulardyń árqaısysy 4 myń oryndy qamtamasyz etedi. Osy oraıda bul úlken mektepterdi salý durys ekenin kórip otyrmyz», - dedi A. Kólginov elorda máslıhatynyń kezekten tys sessııasynda.

Onyń aıtýynsha, elordada jyl saıyn shamamen 15 mektep salynýy kerek.

«Jaqynda Premer-Mınıstr bul baǵyttaǵy bastamalardy qoldady. Osy oraıda múmkindiginshe 2 myń orynǵa arnalǵan mektepterdi salamyz. Sebebi aldaǵy ýaqytta mektepterge qatysty másele ózekti bolatyny túsinikti. Jyl saıyn 10-15 mektep salýymyz kerek», - dedi ákim.

«Qala aýmaǵynda mektepterdiń qurylysyn qarqyndy júrgizý máselesi Prezıdenttiń baqylaýynda tur. Úsh baǵyt boıynsha, ıaǵnı memlekettik bıýdjet esebinen mektep salýdy, memlekettik-jekeshelik áriptestik jáne jeke ınvesıtıtsııalar esebinen iske asyramyz. Aldaǵy ýaqytta mektep qurylysynyń qarqynyn kúsheıtýimiz kerek. Bas josparda ár shaǵyn aýdanda, jańa qurylys nysandary salynyp jatqan jerlerde salynatyn mektepterdi bekittik», - dedi A. Kólginov.

Budan buryn habarlanǵandaı, bıyl elordada 11 mekteptiń qurylysy aıaqtalady.

Qalada úsh aýysymmen isteıtin 4, al bala sany shamadan tys kóp 15 mektep bar.


Seriktester jańalyqtary

Jańalyqtar

Úrdis

MURAǴAT