Jyl basynan beri jol-kólik oqıǵasynan 744 adam qaza tapqan
2022 jylǵy 1 shilde 21:01

Jyl basynan beri jol-kólik oqıǵasynan 744 adam qaza tapqan

NUR-SULTAN. QazAqparat – Bıyl jyl basynan beri jol apatynan 744 adam qaza tapqan, dep habarlaıdy QazAqparat Energyprom.kz resýrsyna silteme jasap.

Energyprom.kz málimetinshe, kólik apatynan kóz jumǵandardyń kóbi Almaty (163 adam), Jambyl (99 adam) jáne Túrkistan oblystarynda (63 adam) tirkelgen.

Sondaı-aq, jol-kólik oqıǵasy saldarynan bolǵan ólim jaǵdaılary Batys Qazaqstan men Qaraǵandy oblystarynda da az emes.

Munda 100 adamǵa shaqqanda 31-35 adam kólik apatynan kóz jumady eken.

Al qaıǵyly jaǵdaılar Nur-Sultan jáne Almaty qalalaryna az tirkelgen. Bul shaharlarda 100 adamǵa eseptegende 2-3 adam jol-kólik oqıǵasynan qaıtys bolady.

Bıylǵy 5 aıda 5,2 myń jol apaty bolyp, odan 7,7 myńǵa jýyq adam zardap shekken.

Jaraqat alǵandardyń sany ótken jyldyń sáıkes kezeńimen salystyrǵanda 11,9 paıyzǵa kóp.


Uqsas jańalyqtar

Jańalyqtar

Úrdis

MURAǴAT