Jyl basynan beri esirtki taratýǵa qatysty 655 ınternet-resýrs anyqtaldy
2022 jylǵy 16 mamyr 12:27

Jyl basynan beri esirtki taratýǵa qatysty 655 ınternet-resýrs anyqtaldy

NUR-SULTAN. QazAqparat – Internet arqyly esirtkini ótkizý faktileri boıynsha 82 qylmystyq is tikeldi. Bul týraly QR ІІM Esirtki qylmysyna qarsy is-qımyl departamenti bastyǵynyń mindetin atqarýshy Asqar Muhametqalıev málim etti, dep habarlaıdy QazAqparat tilshisi.

«Qazirgi kezde esirtkiniń taratatyn ınternet-arnalardy anyqtaý mańyzdy bolyp tur. Esirtki taratýmen aınalysatyndar mobıldi qosymshalardyń múmkindigin keńinen paıdalanýǵa kóshti. Osy alańda olar esirtkini satyp alatyndardy taýyp, tólemdi onlaın tártipte júrgizedi», - dedi dedi A. Muhametqalıev onlaın brıfıng barysynda.

Osy oraıda bul qylmystyq júıedegi adamdar bir-birin bilmeıtinin, barlyǵy qashyqtan basqarylatynyn atap ótti.

«Qylmysty uıymdastyratyndar kóbinese basqa elden basqaryp otyrady. Bizdiń mamandar ınternet keńistikke monıtorıng júrgizip, esirtki taratýǵa qatysty aqparatty qamtıtyn saıttardy, blogtar men jarnamalardy anyqtaıdy. Jyl basynan beri osyndaı 655 ınternet-resýrs anyqtalyp, buǵattaldy. Internet arqyly esirtkini ótkizý faktileri boıynsha 82 qylmystyq is tikeldi. Esirtkini jarnamalaý men nasıhattaýǵa qatysty 37 qylmystyq is aıasynda tergeý maldary júrip jatyr»,- dedi vedomstvo ókili.

Budan buryn hbarlanǵandaı, bıyl 4 aıda elimizdiń aýmaǵynda 11 esirtki zerthanasy joıyldy.

Esirtkiniń transulttyq arnasyn joıý kezinde 13 qazaqstandyq ustaldy.


Uqsas jańalyqtar
Seriktester jańalyqtary

Jańalyqtar

Úrdis

MURAǴAT