+7 (701) 759 90 19
USD 425.63 EUR 515.99
RUB 5.92 CNY 66.52
Jańalyqtar

Jyl basynan beri 671,2 mlrd-tan astam teńge zeınetaqy tólendi

2021 jylǵy 13 sáýir 15:31
Bólisińiz:
Jyl basynan beri 671,2 mlrd-tan astam teńge zeınetaqy tólendi

NUR-SULTAN. QazAqparat - 2021 jyldyń qańtar - naýryz aılarynda respýblıkalyq bıýdjetten bazalyq zeınetaqy tóleýge 205,8 mlrd teńge, yntymaqty zeınetaqy tólemderine – 465,4 mlrd teńge baǵyttaldy, dep habarlaıdy QazAqparat QR Eńbek jáne halyqty áleýmettik qorǵaý mınıstrliginiń baspasóz qyzmetine silteme jasap.

Uqsas jańalyqtar
Aqmolalyq segiz kásipker «Ashyq» jobasynan shyǵaryldy Qoǵamdyq keńester memlekettik satyp alý protsesiniń baqylaýyn bastady Almatydaǵy Rysqulov dańǵyly jabylady

2021 jyldyń naýryz aıynda respýblıkalyq bıýdjetten zeınetaqy tólemderine 223,8 mlrd teńge, onyń ishinde bazalyq zeınetaqy tóleýge – 68,6 mlrd teńge, yntymaqty zeınetaqy tóleýge – 155,2 mlrd teńge bólindi.

2021 jylǵy 1 sáýirdegi jaǵdaı boıynsha zeınetkerler sany 2 mln 247 myń adamdy quraıdy.

Zeınetaqy tólemderiniń ortasha mólsheri (onyń ishinde bazalyq zeınetaqy) 2021 jylǵy 1 sáýirdegi jaǵdaı boıynsha 100 163 teńgeni qurady.

Eske salaıyq, 2018 jylǵy 1 shildeden bastap memlekettik bazalyq zeınetaqy tólemi, onyń zeınetaqy júıesindegi tájirıbesin eskere otyryp, ár alýshyǵa jeke taǵaıyndalady.

Bul rette 1998 jylǵy 1 qańtardaǵy jaǵdaı boıynsha yntymaqty júıede jumys istegen ýaqyty, sondaı-aq mindetti zeınetaqy jarnalary tólengen kezeńder (budan ári - MZJ) zeınetaqy júıesindegi eńbek ótiline qosylady.

Sonymen, eger zeınetaqy júıesindegi jumys ótili 10 jyl nemese odan az bolsa, sondaı-aq eger múlde joq bolsa, bazalyq zeınetaqy eń tómengi kúnkóris deńgeıiniń 54%-yn quraıdy, sodan keıin 10 jyldan asqan ár jyl úshin onyń mólsheri 2%-ǵa artady. Mysaly, eger siz 20 jyl qatyssańyz, bazalyq zeınetaqy kúnkóris deńgeıi qunynyń 74%-dy, 30 jyl – kúnkóris qunynyń 94%-yn quraıdy. 33 jáne odan da kóp jyl jumys ótili bolsa, kúnkóris qunynyń 100% joǵary mólsherinde belgilenedi.

Eger bir aı ishinde MZJ birneshe ret Biryńǵaı jınaqtaýshy zeınetaqy qoryna jasalsa, jınaqtaýshy júıege qatysý merzimi bir aıdy quraıdy.

Osylaısha, mindetti zeınetaqy jarnalary neǵurlym turaqty jáne tolyq salynatyn bolsa, zeınetaqy jasyna jetkende bazalyq zeınetaqy tólemderiniń mólsheri soǵurlym kóp bolady.

Óz kezeginde, jasyna baılanysty zeınetaqy tólemderiniń mólsheri 1998 jylǵy 1 qańtardaǵy jumys ótiline (kem degende 6 aı qajet) jáne zeınetkerlikke deıingi kezeńde alynǵan ortasha aılyq tabysqa baılanysty bolady.


Bizdiń kanalymyzǵa jazylyńyz:

Bólisińiz:
Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Aıdar Ospanalıev
Aıdar Ospanalıev
954-059
REDAKTOR
Janat Qapalbaeva
Janat Qapalbaeva
954-059

MURAǴAT