Jyl basynan beri 50 elde maımyl sheshegin juqtyrý  jaǵdaıy anyqtaldy - DDSU
2022 jylǵy 28 maýsym 09:03

Jyl basynan beri 50 elde maımyl sheshegin juqtyrý  jaǵdaıy anyqtaldy - DDSU

NUR-SULTAN. QazAqparat – Dúnıejúzilik densaýlyq saqtaý uıymy (DDSU) 2022 jyldyń basynan beri 50 elde 3413 adamnyń maımyl sheshegi ınfektsııasyn juqtyrǵanyn jáne bir adamnyń qaıtys bolǵany týraly aqparat berdi.

Bul týraly seısenbide Jenevada jarııalanǵan DDSU aqparattyq bıýlleteninde jazylǵan, dep habarlaıdy QazAqparat reseılik TASS aqparat agenttigine silteme jasap.

«2022 jyldyń 1 qańtary men 22 maýsymy aralyǵynda DDSU-ǵa uıymnyń bes aımaǵynda ornalasqan 50 el men aýmaqtan maımyl sheshegin juqtyrýdyń 3 413 jaǵdaıy jáne osy dertten bir adamnyń qaıtys bolǵany habarlandy», - dep atap ótti uıymnan.

Aldyńǵy aqparattyq bıýlleten 17 maýsymda jarııalanǵannan beri segiz elde ınfektsııaǵa shaldyǵýdyń 1310 jańa jaǵdaıy anyqtalǵan.

Maımyl sheshegimen aýyratyndardyń kópshiligi (86%) Eýropalyq aımaqta tirkeldi. Odan keıin tizimde Amerıka (11%), Afrıka (2%), Shyǵys Jerorta teńizi (1%-dan az) jáne Azııa-Tynyq muhıty (1%-dan az) tur.

Elderdiń ishinde aýrýǵa shaldyǵýdyń eń kóp jaǵdaıy Ulybrıtanııada tirkeldi, onda 793 adam maımyl sheshegine shaldyqqan. Sonymen qatar eń kóp naýqastar sany jaǵynan Germanııa (521), Ispanııa (520), Portýgalııa (317), Frantsııa (277), Nıderlandy (167) jáne AQSh (142) tirkeldi. Qalǵan 43 memleket pen aýmaqta aýrýǵa shaldyǵý jaǵdaılarynyń sany 100-den aspaıdy. Ázirge vırýstan qaıtys bolýy jaǵdaıy Nıgerııada ǵana tirkeldi.

DDSU epıdemıologııalyq jaǵdaıdy jiti baqylaýda. Uıym aýrýdyń jahandyq taralý qaýpin ortasha dep baǵalap otyr. Uıymnyń maımyl sheshegi jónindegi komıteti 23 maýsymda Jenevada ótken otyrysynda indet halyqaralyq deńgeıde alańdaýshylyq týdyratyn tótenshe jaǵdaı emes degen qorytyndyǵa keldi.


Uqsas jańalyqtar

Jańalyqtar

Úrdis

MURAǴAT