+7 (701) 759 90 19
USD 426.32 EUR 496.24
RUB 6.04 CNY 66.74
Jańalyqtar

Jyl basynan beri 3 myń qandas jeńildetilgen tártippen azamattyq aldy

2021 jylǵy 13 qyrkúıek 11:54
Bólisińiz:
Jyl basynan beri 3 myń qandas jeńildetilgen tártippen azamattyq aldy

NUR-SULTAN. QazAqparat – Jyl basynan beri 3 myńǵa jýyq qandas jeńildetilgen tártippen Qazaqstan Respýblıkasy azamattyǵyn aldy. Bul týraly QR Іshki ister mınıstrliginiń resmı ókili Nurdildá Oraz aıtyp berdi, dep habarlaıdy QazAqparat tilshisi.

«Bıylǵy 1 qańtardan bastap qandastarǵa Qazaqstanda turaqty turýǵa ruqsat alýǵa jáne Qazaqstan azamattyǵyna qabyldaýǵa bir mezgilde qujattar tapsyrý múmkindigi zańdy túrde engizilgen. Buryn olar bul protsedýralardan bólek ótetin, al turaqty turý rásimi 2 aıǵa sozylatyn. Sodan keıin bir aı ishinde turýǵa yqtııarhat daıyndaldy, sodan keıin ǵana Qazaqstan azamattyǵyna qabyldaý úshin qujattar tapsyrýǵa bolatyn edi. Ony qaraý merzimi 3 aıǵa sozylatyn. Al qazir barlyq úsh kezeń bir ýaqytta ótedi», - dedi Nurdildá Oraz mınıstrliktiń aptalyq brıfınginde.

Onyń aıtýynsha, jyl basynan beri 3 myńǵa jýyq otandas Qazaqstan Respýblıkasynyń azamattyǵyna osyndaı tártippen qabyldanǵan.

«Qazirgi ýaqytta osy mysal boıynsha qandas kýáligin berýden bastap, azamattyqqa qabyldaýǵa deıingi sharalarǵa tartylǵan barlyq memlekettik organdar (EHÁQM, SІM, ІІM, AQDM, jergilikti atqarýshy organdar) jumysynyń biryńǵaı algorıtmi engizilýde. Nátıjesinde olar ár memlekettik organǵa jeke-jeke emes, tek bir ret-Halyqqa qyzmet kórsetý ortalyǵyna júginetin bolady. Qujattar tizimi de eki esege qysqardy, barlyq kezeńderden ótý merzimi 90 kúndi quraıdy. Materıaldardy barlyq memlekettik organdar qazirgideı kezek boıynsha emes, bir mezgilde qaraıtyn bolady», - dep túsindirdi QR ІІM resmı ókili.


Bizdiń kanalymyzǵa jazylyńyz:

Bólisińiz:

Avtor:

Aıjan Serikjanqyzy

Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER

MURAǴAT