+7 (701) 759 90 19
USD 429.75 EUR 507.45
RUB 5.61 CNY 63.93
Jańalyqtar

Jyl basynan beri 136 myń áıeldiń bosanýyna medsaqtandyrý esebinen qarjy tólengen

2020 jylǵy 2 tamyz 23:00
Bólisińiz:
Jyl basynan beri 136 myń áıeldiń bosanýyna medsaqtandyrý esebinen qarjy tólengen

NUR-SULTAN. QazAqparat - Qazaqstanda jalpy bosanǵandardyń úshten ekisine áleýmettik medıtsınalyq saqtandyrý paketinen 14,1 mlrd teńge bólindi, dep habarlaıdy QazAqparat.

Máselen, birinshi jartyjyldyqta bosandyrý aqysyna 19 mlrd 244 mln teńge tólendi. Bul somanyń 70% astamy - MÁMS paketiniń qarajaty, al 26% - tegin medıtsınalyq kómektiń kepildik berilgen kólemi esebinen tólendi.

Birinshi jartyjyldyqta elimizdegi medıtsınalyq uıymdarda TMKKK pen MÁMS aıasynda 185 myń áıel bosandy, onyń 34 myńy aýyr jaǵdaıda bosandy.

Medıtsınalyq uıymdardaǵy bosaný quny bosanýdyń aýyrlyǵyna jáne qosymsha aýrýlarǵa baılanysty 85-100 myń teńgege deıin baǵalanady. Jedel kómek kórsetilse tarıf qosymsha aýrýlardyń aýyrlyǵyna baılanysty 153-ten 230 myń teńgege deıin jetedi.

Sondaı-aq, bosanýy qıyn bolǵan analarǵa jasalǵan operatsııanyń aqysyn da Qor tóleıdi, mundaı jaǵdaıda bir naýqastyń eminiń quny 579 myń teńge bolady.

Deni saý týǵan nárestege arnalǵan medıtsınalyq kómek bosandyrý shyǵystaryna kiredi.

Eger balaǵa qosymsha medıtsınalyq kómek qajet bolsa, ol da tegin kórsetiledi, óıtkeni 18 jasqa deıingi balalar memleket tarapynan qorǵalady jáne memleket jarnasyn tóleıtin 15 jeńildik sanatyna kiredi.

Jeńildik jasalǵan sanattarǵa júkti áıelder, 3 jasqa tolmaǵan balalardy kútetin dekrettik demalystaǵy áıelder kiredi.

Tamyzda Qazaqstanda josparly medıtsınalyq kómek kórsetý qaıta bastalady.


Bizdiń kanalymyzǵa jazylyńyz:

Bólisińiz:

Avtor:

Janat Qapalbaeva

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Erbol Janat
Erbol Janat
954-059
REDAKTOR
Janıbek Amangeldı
Janıbek Amangeldı
954-059

MURAǴAT