+7 (701) 759 90 19
USD 389.98 EUR 434.01
RUB 6.10 CNY 55.04
Jańalyqtar

«Jýsan» operatsııasynyń jalǵasy: Qasym-Jomart Toqaev málimdeme jasady

2019 jylǵy 10 mamyr 13:44
Bólisińiz:
«Jýsan» operatsııasynyń jalǵasy: Qasym-Jomart Toqaev málimdeme jasady

NUR-SULTAN. QazAqparat - Sırııadan 231 Qazaqstan azamaty elge jetkizildi. Bul jaıynda Qazaqstan Respýblıkasynyń Prezıdenti Qasym-Jomart Toqaevtyń málimdemesinde aıtylǵan, dep habarlaıdy QazAqparat tilshisi.

«Meniń tapsyrmam boıynsha 7 jáne 9 mamyr kúnderi Sırııadan 231 Qazaqstan azamaty elge jetkizildi, onyń 156-sy - balalar, deni mektep jasyna deıingiler, sonyń ishinde 18-i - jetim balalar. Bul aýqymdy gýmanıtarlyq aktsııa - Tuńǵysh Prezıdent - Elbasy Nursultan Nazarbaevtyń tapsyrmasymen bıyl qańtar aıynda júrgizilgen «Jýsan» operatsııasynyń jalǵasy», - delingen QR Prezıdentiniń baspasóz hatshysy Berik Ýálı Feısbýktegi paraqshasynda jarııa etken Memleket basshysynyń málimdemesinde.

Q.Toqaevtyń atap ótýinshe, memlekettik organdar men úkimettik emes uıymdar elge qaıtarylǵan azamattarmen ońaltý sharalaryn júrgizdi. Olarǵa medıtsınalyq, psıhologııalyq jáne áleýmettik kómek kórsetildi.

«Qazirdiń ózinde atalǵan jumystyń oń nátıje berip otyrǵanyn aıtýǵa bolady. Bıyl qańtar aıynda elge oralǵan áıelder burynǵy radıkaldyq ómirinen bas tartty, jumysqa ornalasty, týystarymen qaıta baılanys ornatty. Balalary mektepke, balabaqshaǵa bardy. Qaqtyǵys aımaqtaryna shyqqan Qazaqstan azamattary mundaı oısyz qadamǵa terrorısterdiń teris, shyn máninde, jalǵan úgit-nasıhatynyń yqpalymen bardy. Búginde olar jańa ómir bastaý úshin óz erkimen Qazaqstanǵa oralyp jatyr. Olardyń jasaǵan qateligi úshin balalary ózge elde qınalyp, zardap shekpeýi tıis»,- dedi Memleket basshysy.

Sonymen qatar Prezıdent Qazaqstan terrorızmmen kúres júrgizý, sondaı-aq qıyn jaǵdaıda qalǵan azamattaryna qol ushyn sozý mindettemelerinen bas tartpaıtynyn, gýmanıtarlyq aktsııa jalǵasa beretinin atap ótken.

«Biz óz azamattarymyzdyń taǵdyryna eshqashan beı-jaı qaramaımyz.Atalǵan gýmanıtarlyq operatsııaǵa qatysqan Syrtqy ister mınıstrliginiń, Ulttyq qaýipsizdik komıtetiniń jáne basqa da memlekettik organdardyń qyzmetkerlerine jáne sheteldik seriktesterge alǵysymdy bildiremin», - dedi Q.Toqaev.

Bizdiń kanalymyzǵa jazylyńyz:

Bólisińiz:

Aýdarma:

Marlan Jıembaı

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Bakytjan Erbasov
Bakytjan Erbasov
954-059

MURAǴAT