+7 (701) 759 90 19
USD 424.99 EUR 504.21
RUB 5.81 CNY 65.66
Jańalyqtar

Jýrnalıster kúni qarsańynda QazAqparat tilshisi marapataldy

2021 jylǵy 21 maýsym 18:30
Bólisińiz:
Jýrnalıster kúni qarsańynda QazAqparat tilshisi marapataldy

ALMATY. QazAqparat – Almaty ákiminiń orynbasary Erjan Babaqumarov jýrnalısterge QR Táýelsizdiginiń 30 jyldyǵyna arnalǵan baıqaýdyń qorytyndylary boıynsha marapattardy tapsyrdy, dep habarlaıdy QazAqparat tilshisi.

Almaty qalasy ákiminiń orynbasary Erjan Babaqumarov BAQ arasyndaǵy Qazaqstan Respýblıkasy Táýelsizdiginiń 30 jyldyǵyna arnalǵan ári megapolıstiń damýyn jarııalaý taqyrybyndaǵy baıqaý jeńimpazdaryna júldelerdi tapsyrdy.Tapsyrý rásimi elimizde 28 maýsymda atap ótiletin buqaralyq aqparat quraldary qyzmetkerleri kúnin merekeleý qarsańynda ótti.

Mereıtoılyq konkýrsqa BAQ ókilderinen 200-den astam jumys kelip tústi. Baıqaýdyń negizgi taqyryptary: Almatynyń damýy, pandemııa jaǵdaıyndaǵy jumys pen áleýmettik jobalar.

«BAQ-tyń jumysy árqashan mańyzdy jáne erekshe, óıtkeni sizder bizdiń, memlekettik organdar men turǵyndardyń arasyndaǵy kópirsizder.Táýelsizdik kezeńinde jýrnalıstıka salasy respýblıkanyń ózi sııaqty qarqyndy damydy.Almaty jańa qoǵamnyń qalyptasýynyń barlyq kezeńderin erekshe sezinip, elimizdiń túkpir-túkpirinen aıryqsha daryndy jandardyń barlyǵyn ózine jınady.Pandemııa buqaralyq aqparat quraldary jumysynyń kúrdeli ári kópqyrly ekenin taǵy bir ret kórsetti, ıaǵnı juqtyrý oryndarynda, barlyq alańdarda reportaj júrgizip, barlyq ózekti máselelerdi, vaktsınalanýdyń jáne sanıtarlyq normalardy qatań saqtaýdyń mańyzdylyǵyn túsindirýge týra keldi», — dedi Erjan Babaqumarov.

Jyl basynan beri ákimdik 170-ten astam baspasóz is-sharasyn ótkizdi, onyń 55-i qalanyń koronavırýs ınfektsııasymen kúres máselelerine arnalǵan. Tek jarty jyldyń ishinde BAQ-ta 6,5 myńnan astam materıal jarııalandy, efırge 200-ge jýyq telesıýjet shyqqan.

Baıqaý komıssııasynyń quramyna medıa salasyndaǵy táýelsiz sarapshylar-tarıh ǵylymdarynyń doktory, professor, akademık, Jýrnalıstıka Akademııasynyń prezıdenti Saǵymbaı Qozybaev, professor, QR Jýrnalıstıka akademııasynyń, Eýrazııa halyqaralyq akademııasynyń akademıgi, QR Prezıdenti baspasóz qyzmetiniń negizin qalaýshylardyń biri ári basshysy ıÝNESKO aıasynda mádenıetterdi jaqyndastyrý halyqaralyq ortalyǵynyń jetekshi ǵylymı qyzmetkeri Valerıı Aıtmuqashuly Jandáýletov, Qazaqstan Baspasóz klýbynyń prezıdenti, QR qoǵammen baılanys jónindegi Ulttyq qaýymdastyǵy keńesiniń tóraıymy Ásel Qaraýlova kirdi.

Baıqaý komıssııasynyń tóraǵasy, professor, akademık, Jýrnalıstıka Akademııasynyń prezıdenti Saǵymbaı Qozybaev indet jylyndaǵy jýrnalısterdiń eren eńbekterine oń baǵa berdi.

«Almaty qashanda óziniń aqylger áleýetimen tanymal. Munda búkil respýblıka boıynsha jalǵyz jáne úsh jýrnalıstıka ýnıversıteti boldy. Sizderdiń kópshiligińiz osy joldy tańdaǵan jýrfak túlekterisizder. Qalamdaryńyz ushtala bersin, shyǵarmashylyq tabystar tileımin», — dedi Saǵymbaı Qozybaev.

Konkýrstyq komıssııanyń tóraǵasy Valerıı Jandáýletov baıqaýǵa degen qyzyǵýshylyqtyń jyldan jylǵa artyp kele jatqanyn aıtty. Tipti, indetke baılanysty qıyn jaǵdaıǵa qaramastan. Onyń ústine, pýblıkatsııalar tsıklderin jiberdi, óz materıaldarynda karantın rejıminde medıtsına qyzmetkerleriniń, polıtseılerdiń ómiri men jumysynyń shynaıylyǵyn, qyzmet kórsetýdegi onlaın-tehnologııalardyń damýyn kórsetti, Almatynyń qalaı damyǵany týraly jazdy ári aıtty.

Óz kezeginde Ásel Qaraýlova qazaqstandyq baspasóz klýbynyń atynan BAQ-tyń megapolıstiń damý taqyrybyna degen joǵary qyzyǵýshylyǵyn aıtty jáne barlyq qatysýshylardy quttyqtap, aldaǵy kásibı qyzmetterine tabys tiledi.

Komıssııa negizgi nomınatsııalar boıynsha 12 jeńimpazdy atady:

«Táýelsizdik kezeńindegi Almatynyń damýy týraly úzdik materıal» nomınatsııasy: Jazıra Orazqyzyna berildi — «Qazaqstan» telearnasy; Denıs Zemtsov — «Almaty» telearnasy.

«Almaty-2050» Strategııasy aıasynda jańa júıeli sharalar men megapolıstiń damý qarqyny týraly úzdik analıtıkalyq materıal» nomınatsııasy: Quralaı Jumadilova — «Almaty aqshamy» qoǵamdyq-saıası gazeti, Janna Habdýlhabar — IA «Informburo.kz».

«Іndet kezindegi aldyńǵy sheptegi jumys týraly úzdik materıal» nomınatsııasy: Aıgerim Taýbaı — «Spýtnık Kazahstan», Kırıll Harlamov — «MIR» teleradıokompanııasy.

«Áleýmettik jobalar týraly úzdik materıal» nomınatsııasy: Ámirbolat Qusaıynuly — «Azattyq-ruhy» AA, ıÝlııa Mılenkaıa — «Kazahstanskaıa pravda» gazeti.

«Halyqty COVID-19-ǵa qarsy vaktsınalaýdyń mańyzdylyǵy týraly eń jaqsy materıal» nomınatsııasy: Nurgúl Nurlanqyzy — «KTK» telearnasy; Elaman Turysbekov — «QazAqparat» HAA.

Pandemııamen kúrestiń naqty tarıhy týraly úzdik derekti / avtorlyq materıal nomınatsııasy: Gúljan Aınabekova — «Habar» telearnasy; Lázzat Qusaıynova — «Novoe pokolenıe» gazeti.

Arnaıy marapattarǵa ıe bolǵandar: Bekzada Ishekenova — «LS» AA, Ádilet Musahaev — «Baq» AA, Shoqan Alhabaev — «Tengrınıýs» AA, Qaırat Jandybaev — «Strategy-2050» AA, Dılara Aronova — «Nur» AA, Albert Ahmetov — «Zakon» / «Delovoı Kazahstan» AA.


Bizdiń kanalymyzǵa jazylyńyz:

Bólisińiz:

Avtor:

Alma Muqanova

Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Aıdar Ospanalıev
Aıdar Ospanalıev
954-059

MURAǴAT