+7 (701) 759 90 19
USD 424.99 EUR 504.21
RUB 5.81 CNY 65.66
Jańalyqtar

Jýrnalıstıkanyń «eń qurmetti mamandyq» mártebesin qaıtarýǵa mindettimiz – Aıda Balaeva

2021 jylǵy 7 maýsym 21:57
Bólisińiz:
Jýrnalıstıkanyń «eń qurmetti mamandyq» mártebesin qaıtarýǵa mindettimiz – Aıda Balaeva

NUR-SULTAN. QazAqparat – Aqparat jáne qoǵamdyq damý mınıstri Aıda Balaeva jýrnalısterdiń biliktiligin arttyrý úshin qandaı sharalar jasalǵanyn aıtty, dep habarlaıdy QazAqparat.

«Jasyratyn nesi bar, sońǵy jyldary tek Qazaqstanda ǵana emes, kóptegen álem elderinde kásibı BAQ shette qalyp qoıdy. Suranystyń joqtyǵy kózge uryp turdy, munyń sebebin jýrnalısterdiń ózi de jete túsine almady. Jýrnalıster mamandyǵyn tastap, basqa salaǵa ketýge májbúr boldy – frılans, pıar, bloger. Men talaı ret aıttym jáne taǵy da qaıtalaımyn: kásibı jýrnalıstıka – tańdaýlylardyń, óz isine janashyr, batyl jáne myqty adamdardyń kásibi. Jáne biz oǵan eń qurmetti mamandyqtardyń biri degen mártebeni qaıtarýǵa mindettimiz», - deıdi Aıda Balaeva «Sputnik Qazaqstan» portalyna bergen suhbatynda.

Aqparat mınıstri beıindi fakýltet túlekteriniń deńgeıin kóterý, jumys isteıtin kadrlardyń biliktiligin arttyrý jáne salalyq, óńirlik jýrnalıstıkany damytý syndy birqatar shara jasalǵanyn atap ótti.

«Qazir pandemııadan týyndaǵan keıbir qıyndyqtarǵa qaramastan, biz beıindi joǵary oqý oryndarymen etene yntymaqtasa jumys istep jatyrmyz: stýdentterge eldiń úzdik redaktsııalarynda praktıkadan ótýge múmkindik beremiz, otandyq jáne Túrkııa, Ulybrıtanııa, Reseı sııaqty sheteldik jýrnalıstıkanyń korıfeılerimen semınar ótkizemiz. Jyl basynan beri medıtsına, dinı jáne ekologııa jýrnalıstıkasy boıynsha úsh oqytý kýrsy ótkizilip, eldiń barlyq óńirinen 4 myńǵa jýyq adam qamtyldy. Bul – bolashaqta keńeıtilip, jetildiretin uzaq merzimdi jobalar», - dedi vedomstvo basshysy.

Sonymen birge, Aıda Balaeva jýrnalıstıka fakýlteti túlekteriniń jumyspen qamtylýy máselesi qalaı sheshiletinin aıtty.

«Bul másele JOO-lardyń basshylyq quramymen jáne otandyq BAQ-pen kezdesýlerde talaı ret kóterilip, talqylandy. Tájirıbe men pikir almasý qorytyndysy boıynsha stýdentterdi óndiristik protseske kóbirek tartyp, praktıkalyq daǵdylaryn damytý qajet degen toqtamǵa keldik. Medıa salasy mamandaryn oqytý jónindegi arnaıy jospar aıasynda otandyq BAQ-ta tájirıbe men taǵdylymdama uıymdastyrý josparlanyp otyr. Atalǵan jumys memlekettik BAQ jáne joǵary oqý oryndarymen birlesip júrgiziledi. Oǵan qosa, joǵary oqý oryndarymen bekitilgen memorandým aıasynda stýdentter arasynda keleshekte jumysqa ornalastyrý maqsatynda kásiptik-baǵdarlyq jumys júrgizý qarastyrylǵan. Biz tek osylaı ǵana túlekterdiń suranysy men ynta-yqylasyn arttyramyz», - deıdi Aıda Balaeva.


Bizdiń kanalymyzǵa jazylyńyz:

Bólisińiz:

Avtor:

Aıjan Serikjanqyzy

Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059

MURAǴAT