+7 (701) 759 90 19 Lenta
USD 385.16 EUR 425.95
RUB 6.01 CNY 54.51
Jańalyqtar

Jýrnalısterdiń dinı ekstremızm salasyndaǵy saýatyn kóterýdiń mańyzy qandaı

2019 jylǵy 5 shilde 14:06
Bólisińiz:
Jýrnalısterdiń dinı ekstremızm salasyndaǵy saýatyn kóterýdiń mańyzy qandaı

ALMATY. QazAqparat - Almatyda din, dinı ekstremızm men terrorızmniń aldyn alý máseleleri boıynsha BAQ ókilderi men blogerlerge arnalǵan aqparattyq jáne oqytý semınary bastaldy. Bul semınarǵa qalalyq jáne respýblıkalyq BAQ ókilderi qatysyp, bilim kókjıegin keńeıtip jatyr, dep habarlaıdy QazAqparat tilishsi.

Jýrnalısterdiń saýatyn ashýǵa baǵyttalǵan shara memlekettik tapsyrys aıasynda Almaty qalasy qoǵamdyq damý basqarmasy memlekettik mekemesiniń qoldaýymen júzege asyrylyp otyr.

Sabaq barysynda sarapshylar dinı ekstremızm men terrorızmniń aldyn alý taqyrybynda qalam terbeıtin jýrnalısterdiń jiberetin qatelikterin tilge tıek ettti.

«Sálafıtter, saqaldylar, sholaq balaqtylar - bul jýrnalısterdiń jıi qoldanatyn sózderi. Zań turǵysynan alǵanda bul durys emes. Olar - eń aldymen teń quqyly Qazaqstan azamattary, qarapaıym turǵyndar. Sondyqtan, syrtqy kelbetine qarap oǵan kúıe jaǵýǵa bolmaıdy. Aqparat jazǵanda «sálafıtter» degen sózdi jazbas buryn soǵan kóz jetkizgen abzal. BAQ ókilderine arnalǵan semınardyń maqsaty - tilshilerge dinı ekstremızm men terrorızmniń ne ekenin túsindirý. Jýrnalıster din salasynyń mamandary emes, sondyqtan olarǵa baǵyt-baǵdar berý kerek», - dedi «Qazaqstan Respýblıkasyndaǵy Terrorızm jáne ekstremızm máselelerin zertteý boıynsha» QQ prezıdenti Kákimjan Muratjanuly.

Mamandardyń aıtýynsha, din, dinı ekstremızm men terrorızm taqyrybynda maqala jazý óte qıyn. Sebebi, bul uǵymdardyń astarynda úlken mán bar. Tipti, qaýipti desek te bolady. Sondyqtan, qate jibermeýge tyrysý kerek. Áleýmettik jelini, telearnany, saıttardy mıllıondaǵan adam oqıdy, kóredi, tyńdaıdy. Jýrnalıstiń bilmestikten jibergen qatesi úlken saıası daý týdyrýy da múmkin.

«Keı jýrnalıster aqparattyń anyq-qanyǵyna kóz jetkizbeı óz tarapynan túrli maqalalar jazady. Sóıtip, adamdardy shatastyrady, óz mamandyǵyna, ıaǵnı jýrnalıstıkaǵa nuqsan keltirýi múmkin. Sondyqtan BAQ ókilderin birlesip jumys isteýge shaqyramyz», - deıdi Kákimjan Muratjanuly.

Aıta ketetin jaı, aqparattyq oqytý semınary 5 kúnge sozylady. Bul sharaǵa qatysqan BAQ ókilderi men blogerlerge 5 kúndik oqytý kýrsy aıaqtalysymen arnaıy sertıfıkat beriledi. Berilgen sertıfıkat ekstremızm men terrorızmdi aldyn alý taqyrybynda qalam terbep júrgen jýrnalısterdiń bul taqyrypta qate jibermeýine úlken úles qosady dep senim artýda uıymdastyrýshylar.

Avtor: Alma Muqanova

Bizdiń kanalymyzǵa jazylyńyz:

Bólisińiz:

Avtor:

Alma Muqanova

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Bakytjan Erbasov
Bakytjan Erbasov
954-059
REDAKTOR
Jarylqasyn Saıagúl
Jarylqasyn Saıagúl
954-059

MURAǴAT