+7 (701) 759 90 19 Lenta
USD 385.42 EUR 424.58
RUB 6.00 CNY 54.31
Jańalyqtar

Júrgenov atyndaǵy akademııa stýdentteri halyqaralyq baıqaýdyń júldesin ıelendi

2019 jylǵy 8 tamyz 18:45
Bólisińiz:
Júrgenov atyndaǵy akademııa stýdentteri halyqaralyq baıqaýdyń júldesin ıelendi

ALMATY. QazAqparat - T. Júrgenov atyndaǵy Qazaq ulttyq óner akademııasynyń eki stýdenti halyqaralyq baıqaýda jeńiske jetti, dep habarlaıdy QazAqparat tilshisi.

T. Júrgenov atyndaǵy Qazaq ulttyq óner akademııasynyń stýdentteri Beksultan Kenishqalıev pen Darııa Bolsanbek Lıtvada ótken «Palanga-2019» XV-shi halyqaralyq ánshiler baıqaýynda baq synaǵan bolatyn.

«Bizdiń T.Júrgenov atyndaǵy Qazaq ulttyq óner akademııasynyń «Estradalyq vokal« mamandyǵynyń 3-kýrs stýdenti Beksultan Kenishqalıev pen «Mýzykalyq teatr artısi« mamandyǵynyń 2-kýrs stýdenti Darııa Bolsanbek Lıtva memleketinde ótken «Palanga-2019« XV-shi halyqaralyq ánshiler baıqaýyna qatysyp, Qazaqstan óneriniń bıik deńgeıin taǵy bir dáleldep, jeńis tuǵyrynan kórindi. baıqaýdyń 2 týrynda da eń joǵary upaı sanymen Beksultan Kenishqalıev - Gran-Prı júldesine ıe bolsa, Darııa Bolsanbek - І-oryndy jeńip aldy. Jeńimpazdarymyzdy shyn júrekten quttyqtap, ónerdiń áli talaı bıikterinen kórinýine tilekshimin! !» - dedi oqý ornynyń rektory Ashat Maemırov.

Onyń aıtýynsha, Beksultan men Darııa Mádenıet jáne sport mınıstrliginiń qoldaýymen, halyqaralyq baıqaýda Qazaqstan namysyn qorǵaǵan.

«Jas talanttardy qoldaý, el ónerin halyqaralyq arenada dáripteý - bizdiń elimizdiń mádenı saıasatyndaǵy basty baǵyttardyń biri. El mereıin asqaqtatar - jas daryndarymyz kóbeıe bersin», dedi rektor.

Baıqaýǵa Qazaqstanmen birge, Reseı, Izraıl, Latvııa, Ázerbaıjan, Lıtva, Belarýs, Armenııa sekildi memleketterdiń estrada oryndaýshylary qatysqan.


Bizdiń kanalymyzǵa jazylyńyz:

Basty sózder: Óner, Almaty,
Bólisińiz:

Aýdarma:

Gúlmıra Ǵosmanálı

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Janıbek Amangeldı
Janıbek Amangeldı
954-059
REDAKTOR
Jarylqasyn Saıagúl
Jarylqasyn Saıagúl
954-059

MURAǴAT