+7 (701) 759 90 19
USD 424.99 EUR 504.21
RUB 5.81 CNY 65.66
Jańalyqtar

Jumysymnyń qıyndyǵyna qaramastan mamandyǵymnan bas tartqan emespin- meıirbıke

2021 jylǵy 19 maýsym 18:04
Bólisińiz:
Jumysymnyń qıyndyǵyna qaramastan mamandyǵymnan bas tartqan emespin- meıirbıke

ALMATY. QazAqparat - Jyl saıyn maýsym aıynyń úshinshi jeksenbisi Medıtsına qyzmetkerleri kúni kúni atalyp ótedi. Bul kúni kópshilik aq halatty abzal jandarǵa qurmet kórsetip, olardyń eseli eńbekterine alǵys bildiredi. Densaýlyq saqtaý salasynda halyq densaýlyǵyn jaqsartý jolynda meıirbıkelerdiń eńbegi ushan teńiz.

Uqsas jańalyqtar
Jambylda karantın talaptaryn buzǵandardyń tizimi jarııalandy Nurlan Aımanov: Vaktsınatsııa pasportyn satyp alǵandar – reanımatsııaǵa bılet alǵandar 80-nen astam medqyzmetker shetelde biliktiligin arttyrady - ShQO

Naýqastyń saýlyǵyna dárigerden kem qaramaıtyn densaýlyq janashyrlary – medbıkeniń arqalaǵan júgi aýyr, mindettelgen jumysy kóp. Medıtsınanyń negizgi kúshi sanalatyn medbıkeler syrqattyń kelip túskeninen saýyǵyp, aıaǵyna turyp ketkenine deıin báıek bolady.

Sondaı jandardyń biri Ardaq Qabyqbaeva. Ol qaterli dertke shaldyqqan balalarǵa qarap, bar ómirin bala densaýlyǵyn nyǵaıtýǵa arnaǵan maman, dep habarlaıdy QazAqparat tilshisi.

Pedıatrııa jáne balalar hırýrgııasy ǵylymı ortalyǵynyń №3 onkogematologııa bóliminiń meıirbıkesi Ardaq Qabyqbaevanyń aıtýynsha, búgingi qoǵamnyń meıirbıkesi tek dárigerdiń kómekshisi ǵana emes, meıirbıke – naýqastyń saýlyǵyna dárigermen birdeı jaýapkershilikpen qaraıtyn densaýlyq janashyrynyń biri.


«Meniń medıtsına salasynda eńbek etip jatqanyma shırek ǵasyr boldy. Osy sala mamandary janyna shıpa izdegen adamǵa sapaly medıtsınalyq qyzmet kórsetip, tez saýyǵyp ketýine baryn salady. Meniń oıymsha, bizdiń eldegi medıtsına qyzmetkerleri antyna adal, jumysyna myqty, isine jaýapkershiligi mol. Jaqsy maman ekenderi osy pandemııada anyq kórindi. Osy jerde, meıirbıkelerdiń de eńbegin erekshe atap ótkim keledi. Medıtsına mekemelerindegi barlyq jumystardyń 80%-dan astamy meıirgerlerdiń moınynda. Olar kúnine 24 saǵat patsıentterge qamqorlyq jasaıdy – dári tamyzady, tańǵyshtardy aýystyrady, qysymdy ólsheıdi, temperatýrasy men jalpy jaǵdaıyn baqylaıdy, aýyr naýqastardy emdeıdi. Olardyń qamqor qoldary men meıirimdi júregi naýqastarǵa operatsııadan keıingi alǵashqy qadamdardy jasaýǵa, aýrýlardy emdeýge, óz kúshine senýge kómektesedi «,- deıdi ol.


Sonymen qatar, ol meıirbıkeniń boıynda qandaı erekshe qasıet bolý kerektigin aıtty.

«Jalpy, medıtsına salasyn tańdaǵan adamnyń boıynda eń aldymen meıirim, tózimdilik, janashyrlyq bolý kerek dep oılaımyn. Bizdiń ınstıtýtta balalar jatady. Sondyqtan kishkentaılarǵa erekshe qamqorlyq kerek. Men patsıenterime óz balama, jaqyn týysyma qaraǵandaı qaraımyn. Kóńilderin aýlap, jaqyn tartyp, basynan sıpap otyramyn. Bul da naýqas balalardyń tez saýyǵyp ketýine yqpal etedi»,- deıdi Ardaq Qabyqbaeva.

Bilikti maman osy salaǵa jańadan kelgen jastarǵa bilgenin úıretýden jalyqqan emes.

«Qazir bólimdegi eń úlkeni menmin. Sondyqtan jastardyń jumysqa tez beıimdelip ketýine erekshe qaraımyn. Qolymnan kelgenshe barymdy úıretýge tyrysamyn. Kezekshilikti qabyldap alǵanan bastap, qujatty toltyrýǵa deıin úıretemiz»,- deıdi ol.


Onyń aıtýynsha, jumysynyń qıyndyǵyna qaramastan mamandyǵynan bas tartqan emes.

«Qıyndyqtar kóp boldy, qınalǵan sátterim de joq emes. Biraq, men eshqashan óz qyzmetimnen bas tartyp, mamandyǵymnan kóńilimdi sýytqan joqpyn. Mamandyǵymdy meılinshe súıemin», - deıdi №3 onkogematologııa bóliminiń meıirbıkesi Ardaq Qabyqbaeva.

Ardaq Qabyqbaeva halyqqa kórsetken qyzmeti úshin birqatar marapattarǵa usynylǵan. 2017 jyly «Nur Otan» partııasynyń, Aqtaý qalasy ákiminiń Qurmet gramotasymen marapattalǵan.

2016 jyly «Adamdarǵa degen shynaıy meıirimdiligi men qamqorlyǵy úshin» medalin aldy.


Bizdiń kanalymyzǵa jazylyńyz:

Bólisińiz:

Avtor:

Alma Muqanova

Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Janıbek Amangeldı
Janıbek Amangeldı
954-059
REDAKTOR
Janat Qapalbaeva
Janat Qapalbaeva
954-059

MURAǴAT