+7 (701) 759 90 19
USD 426.14 EUR 497.05
RUB 6.02 CNY 66.69
Jańalyqtar

Jumyssyz qazaqstandyqtardyń teń jartysy esepke alynbaǵan – Dáýlet Arǵyndyqov

2021 jylǵy 17 qyrkúıek 13:31
Bólisińiz:
Jumyssyz qazaqstandyqtardyń teń jartysy esepke alynbaǵan – Dáýlet Arǵyndyqov

NUR-SULTAN. QazAqparat – «Eńbek resýrstaryn damytý ortalyǵy» AQ prezıdenti Dáýlet Arǵyndyqov eldegi resmı jumyssyzdar men tirkelgen jumyssyzdar sanynyń arasyndaǵy aıyrmashylyqtyń sebebin túsindirdi, dep habarlaıdy QazAqparat tilshisi.

«Ekinshi toqsannyń statıstıkasy boıynsha eldegi jumyssyzdyq kólemi 4,9 paıyzdaı boldy. ıAǵnı, shamamen 450 myń adam jumyssyz degen sóz. Bul san halyqaralyq metodıka boıynsha júrgizilgen zertteý qorytyndysynan alyndy. ıAǵnı, 21 myń úı sharýashylyǵynda saýal júrgizgen.

Jumysyzdardyń bári jumyspen qamtý ortalyqtaryna bara bermeıtinin bárimiz bilemiz. Onyń obektıvti sebepteri kóp», - dedi ol «Qazaqstannyń eńbek naryǵy: jańa jaǵdaıdaǵy damý» atty tuńǵysh ulttyq baıandamanyń tanystyrylymynda.

Onyń aıtýynsha, eldegi tirkelgen jumyssyzdardyń sany resmı statıstıkadaǵy sannan áldeqaıda az. Al bul halyqtyń jumyspen qamtý ortalyqtaryna degen senimi kórsetetin mayzdy faktor kórinedi.

«Jumyssyz retinde arnaıy tirkelgenderdiń sany apta basynda 223 myń boldy. Ony jalpy eńbekke jaramdy adam sanyna bólsek, 2 paıyzdaı ǵana bolady. Bizdiń jumyssyzdardyń resmı statıstıkasy men tirkelgen jumyssyzdar statıstıkasynyń arasynda 50 paıyz aıyrmashalyq bar dep otyrǵanymyz - osy. Bul, túptep kelgende, halyqtyń jumyspen qamtý ortalyqtaryna degen senimin kórsetedi. Resmı jumyssyzdar stastıstıkasy men tirkelgen jumyssyzdar sany bir-birine jaqyndaǵan saıyn memlekettiń eńbekpen qamtý sharalaryna eldiń senimi arta túsedi degen sóz. Qazir bul senim birtindep bolsa da, ósip keledi», - dedi Dáýlet Arǵyndyqov.


Bizdiń kanalymyzǵa jazylyńyz:

Bólisińiz:

Avtor:

Esimjan Naqtybaı

Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Janat Qapalbaeva
Janat Qapalbaeva
954-059

MURAǴAT