+7 (701) 759 90 19
USD 412.55 EUR 468.66
RUB 5.79 CNY 58.80
Jańalyqtar

Jumyspen qamtýdyń jol kartasy aıasynda 130 myńnan astam jumys orny ashyldy

2020 jylǵy 2 shilde 10:25
Bólisińiz:
Jumyspen qamtýdyń jol kartasy aıasynda 130 myńnan astam jumys orny ashyldy

NUR-SULTAN. QazAqparat - Jumyspen qamtýdyń jol kartasy aıasynda qazirdiń ózinde 130 myńnan astam jumys orny quryldy, dep habarlaıdy QazAqparat Eńbek jáne halyqty áleýmettik qorǵaý mınıstrligine silteme jasap.

Uqsas jańalyqtar
Atyraý oblysynyń ákimi Inder aýdanynda jumys oryndaryn ashýdy tapsyrdy AntiKor.live: Jańa jumys ornyn ashqannan góri, baryn saqtap qalý tıimdi Qyzylorda oblysynyń Syrdarııa aýdanynda 2 turǵyn úı irgetasy qalandy

Jumyspen qamtýdyń 2020-2021 jyldarǵa arnalǵan jol kartasy aıasynda 6 107 jobany iske asyrý bastalyp, olar boıynsha 130,6 myń jumys orny quryldy.

JQJK aıasynda jergilikti atqarýshy oryndar iske asyrý úshin 6 506 jobany iriktep aldy.

JQJK ınfraqurylymdyq jobalaryn iske asyrý 4 negizgi baǵyt boıynsha ótedi:

– áleýmettik-mádenı nysandardy kúrdeli jáne aǵymdaǵy jóndeý, rekonstrýktsııalaý jáne salý (2 703 joba);

– turǵyn úı-kommýnaldyq sharýashylyq nysandaryn kúrdeli, ortasha jáne aǵymdaǵy jóndeý, rekonstrýktsııalaý (1 039 joba);

– ınjenerlik-kólik ınfraqurylymyn kúrdeli, ortasha jáne aǵymdaǵy jóndeý, rekonstrýktsııalaý jáne salý (1 799 joba);

– eldi mekenderdi abattandyrý (965 joba).

JQJK ınfraqurylymdyq jobalaryn iske asyrý kezinde otandyq óndirýshilerdiń keminde 90% taýarlary men qyzmetterin qoldanýdy qamtamasyz etý erekshe shart bolyp tabylady. Jumysshylardyń kem degende jartysy halyqty jumyspen qamtý ortalyqtary arqyly alynyp, basymdyq jumyssyz júrgen jastarǵa beriletin bolady. Merdigerler sanıtarlyq-epıdemıologııalyq sharalardy qoldana otyryp, qaýipsiz eńbek jaǵdaıyn qamtamasyz etýge tıis.

Óńirlerde 6 107 joba boıynsha jumys bastaldy, 130,6 myń jumys orny quryldy, onyń ishinde halyqty jumyspen qamtý ortalyqtary arqyly 71,3 myń adam jumysqa ornalasty.

JQJK aıasynda barlyǵy 255 myń jumys ornyn ashý josparlanýda. Bul rette JQJK jobalary bolashaqta 100 myńnan astam turaqty jumys ornyn ashýǵa negiz bolady.

Budan buryn habarlaǵandaı, JQJK iske asyrýdyń aıtarlyqtaı oń áseri sezilmek.

Mysaly, 80 jańa bilim obektisiniń qurylysy apatty jáne úsh aýysymdy mektepterdiń máselelerin sheshýge, aýyldyq jerlerde bilim berý oryndaryna qoljetimdilikti arttyrýǵa, sondaı-aq 7 myńǵa jýyq muǵalimdi turaqty jumysqa ornalastyrýǵa múmkindik beredi.

24 densaýlyq saqtaý obektisiniń qurylysy alǵashqy medıtsınalyq-sanıtarııalyq kómekke qoljetimdilikti arttyrady, sondaı-aq shamamen 1 myń medıtsına qyzmetkerin jumysqa ornalastyrýǵa múmkindik beredi.

36 mádenıet jáne sport nysanynyń qurylysy buqaralyq sportty damytýǵa oń áser etip, jastar úshin bos ýaqyt máselesin sheshýge jáne 1,6 myń adamdy turaqty jumyspen qamtamasyz etýge múmkindik beredi.

Óz kezeginde, sý sharýashylyǵynyń 12 jańa obektisin salý jáne qoldanystaǵylaryn jańǵyrtý halyq úshin aýyz sýdyń qoljetimdiligin arttyrady, sýarmaly jerlerdiń kólemin keńeıtýge, paıdalanylmaıtyn jerlerdi aınalymǵa tartýǵa, aralas salalarda 77 myń adamdy jumyspen qamtamasyz etýge múmkindik beredi.

Turǵyn úı-kommýnaldyq sharýashylyqtyń 247 jańa obektisin salý jáne qoldanystaǵylaryn jańǵyrtý turǵyn úı qurylysy úshin jaǵdaı jasaıdy, aýyl turǵyndary úshin kommýnaldyq qyzmetterdiń qoljetimdiligin qamtamasyz etedi, kommýnaldyq jeliniń tozýyn tómendetedi.

Eldimekenderdi abattandyrý olardyń syrtqy kelbetin jaqsartyp qana qoımaı, azamattardyń qaýipsiz jáne jaıly demalysy úshin jaǵdaı jasaıdy.


Bizdiń kanalymyzǵa jazylyńyz:

Bólisińiz:
Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Bakytjan Erbasov
Bakytjan Erbasov
954-059

MURAǴAT