+7 (701) 759 90 19
USD 426.32 EUR 496.24
RUB 6.04 CNY 66.74
Jańalyqtar

Jumyspen qamtý: Bıyl 1,2 mln adamǵa qoldaý kórsetiledi

2021 jylǵy 27 sáýir 10:08
Bólisińiz:
Jumyspen qamtý: Bıyl 1,2 mln adamǵa qoldaý kórsetiledi

NUR-SULTAN. QazAqparat – QR Eńbek jáne halyqty áleýmettik qorǵaý mınıstri Serik Shápkenov halyqty jumyspen qamtý boıynsha qabyldanǵan sharalardy baıandady, dep habarlaıdy QazAqparat tilshisi.

Uqsas jańalyqtar
«Eńbek» baǵdarlamasy: 400 myńǵa jýyq qazaqstandyq jumysqa turdy Qazaqstanda 16 myńnan astam shetel azamaty eńbek etip júr

«Jalpy eńbek naryǵynyń negizgi ındekatorlary pandemııaǵa qaramastan turaqty bolyp qaldy. Sońǵy úsh jylda jumys kúshiniń sany artty. Bul jaldamaly jumyskerler men ózin-ózi jumyspen qamtyǵandar sanynyń qysqarýy esebinen oryn aldy. Bul rette eńbek naryǵyn sıpattaıtyn negizgi kórsetkish – jumyssyzdyq deńgeıi 4,9 paıyz kóleminde saqtaldy», - dedi mınıstr Úkimet otyrysynda.

2020 jyldyń 2 toqsanynda ýaqytsha jumyspen qamtylǵan halyq sany 4 esege ósip, 536 myń adamdy qurasa, shekteý sharalary kezinde qashyqtan jumys isteý men ıkemdi jumys formalary keńinen tarap, jyl sońynda ýaqytsha jumyspen qamtylǵandar sany 147 myń adamǵa qysqardy.

«Sondaı-aq, beıresmı jumyspen qamtylǵandar sanynyń azaıýy baıqalady, onyń deńgeıi qazir 14 paıyzdy quraıdy. Búgingi tańda biz ekonomıkanyń birtindep qalpyna kelýin baıqap otyrmyz, bul eńbek naryǵyna jaǵymdy áser etýde. Nur Otan partııasynyń saılaýaldy tuǵyrnamasyn iske asyrý jónindegi mindetterdi eskere otyryp, bıyl biz 1 mln 200 myń adamdy jumyspen qamtý sharalary arqyly qoldaýdy josparlap otyrmyz. Olar 700 myń adamdy «Eńbek» memlekettik baǵdarlamasymen, 32 myń adamdy – jumyspen qamtý jol kartasymen, 440 myń adamdy – ózge de memlekettik baǵdarlamalarmen qamtımyz», - deıdi Eńbek mınıstri.

Eńbek baǵdarlamasy boıynsha qamtylatyn 227 myń adamǵa jumyspen qamtýǵa járdemdesýdiń túrli sharalary kórsetiledi. Olar úsh baǵyt boıynsha júredi.

«Birinshiden, qysqamerzimdi oqytýǵa, tehnıkalyq jáne kásibı bilim alýǵa 36 myń adam jiberiledi. Búgingi tańda 2 myń adam qysqa merzimdi kýrstardy oqýǵa kiristi. Ekinshi baǵyt boıynsha, «Bastaý» bıznes jobasynda 10500 adamdy bıznes daǵdylaryna oqytý bastaldy. Saılaýaldy tuǵyrnamaǵa sáıkes, jyl sońyna deıin 30 myń adam oqytylady. Oǵan qajet qarajat pen resýrstar tolyq qarastyrylǵan. Bıyl ózi úshin ashýǵa jáne keńeıtý úshin 5 myń mıkrokredıt pen 21 myń grant beriledi. Úshinshi baǵyt boıynsha, sýbsıdııalanatyn jumys oryndary esebinen eńbek naryǵyna beıimdelý boıynsha 128 myń adamǵa qoldaý jáne 7 myń adamnyń óz erkimen kóshýine qoldaý kórsetiledi», - dep túsindirdi S. Shápkenov.


Bizdiń kanalymyzǵa jazylyńyz:

Bólisińiz:

Avtor:

Aıjan Serikjanqyzy

Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Erbol Janat
Erbol Janat
954-059

MURAǴAT