+7 (701) 759 90 19
USD 405.69 EUR 455.51
RUB 5.72 CNY 57.42
Jańalyqtar

Jumysqa ornalastyrǵan bir adam úshin memleket 52,5 myń teńgege deıin tóleıdi

2020 jylǵy 4 maýsym 03:17
Bólisińiz:
Jumysqa ornalastyrǵan bir adam úshin memleket 52,5 myń teńgege deıin tóleıdi

NUR-SULTAN. QazAqparat – Memleket jumysqa ornalastyrý boıynsha aýtsorsıngtik qyzmet kórsetýge nıet bildirgen kompanııalarǵa jáne jeke tulǵalarǵa bir jumyssyz azamat úshin 35 myńnan 52,5 myń teńgege deıin qarjy tóleýge daıyn, dep habarlaıdy QazAqparat.

«Eki jyldan beri memleket jumys izdeý jáne jumyssyzdardy eńbekke ornalastyrý boıynsha aýtsorsıngtik qyzmet kórsetetin jeke HR-agenttikterdi tartýda. Jumysqa sátti ornalastyrylǵan árbir adam úshin 35 myń teńgeden 52,5 myń teńgege deıin tólenedi. Biraq kóptegen adamdar tipti, jeke tulǵalar osylaı tabys tabýǵa bolatynyn bilmeıdi.

«Halyqty jumyspen qamtý týraly» Zańǵa sáıkes aýtsorsıngtik qyzmet kórsetýge qatysatyn úmitkerlerge birdeı talaptar qoıylady. Zańdy jáne jeke tulǵalardyń tıisti jumys tájirıbesi, sondaı-aq qajetti materıaldyq jáne eńbek resýrstary bolýy tıis. Al, jeke tulǵalardyń tek bir ǵana jaldamaly qyzmetkeri jáne Jeke kásipkerlik týraly tirkeýi bolsa jetkilikti», - deıdi «Eńbek resýrstaryn damytý ortalyǵy» AQ-dan.

Aýtsorsıng qatysýshylary memleketten birqatar tıimdi usynystar men artyqshylyqtardy ala alady:

- memlekettik jumyspen qamtý ortalyǵynyń mamandary jan-jaqty qoldaý kórsetedi;

- halyqty jumyspen qamtý ortalyǵy jumyssyzdar týraly tolyq aqparat beredi;

- elektrondy formatta halyqty jumyspen qamtý ortalyǵymen aýtsorsıng týraly shartty «Elektrondyq eńbek bırjasynda» (www.enbek.kz) jasaı alady;

- aýtsorsıngtik qyzmet kórsetý aıasynda jumyssyzdardy jumysqa ornalastyrý úshin kepildi tólem alady;

- «Elektrondyq eńbek bırjasy» portalyndaǵy bos jumys oryndaryn sheksiz paıdalana alady.

«Halyqty jumyspen qamtý salasynda aýtsorsıngtik qyzmet kórsetý jańa bıznesti bastaǵysy keletinderge tamasha múmkindik. Óıtkeni qatysý úshin az qarjy jumsalady. Shart boıynsha aýtsorsıngtik qyzmet kórsetetin agenttik nemese jeke kásipker (JK) 30 jumys kún ishinde bos jumys ornyn izdep tabýy kerek. Aýtsorsıng arqyly jumysqa ornalasqan azamattar alty aıdan kem emes úzdiksiz jumys isteýi tıis», - dedi «Eńbek resýrstaryn damytý ortalyǵy» AQ Jumyspen qamtý qyzmetin damytý departamentiniń dırektory Irına Rýbashına.

Onyń aıtýynsha, azamattardy jumysqa ornalastyrǵany úshin memleket aqy tóleýge kepildik beredi. Tarıf kólemi 35 000 teńgeden 52 500 teńge aralyǵynda. Qarjy kólemi jumyssyzdyń jumysqa ornalasý qıyndyǵyna jáne onyń qala nemese aýyldyq jumyspen qamtý ortalyǵynda tirkelgen ornyna baılanysty bolady.

«Aýtsorsıngtik qyzmet kórsetetin kompanııalar ne jeke tulǵalardyń tirkelý ornyna eshqandaı talaptar qoıylmaıdy. ıAǵnı jeke agenttikter birneshe óńirde jáne aýtsorsıng týraly birneshe kelisimshart boıynsha qyzmet kórsete alady», – dep tolyqtyrdy I. Rýbashına.

Aýtsorsıng máseleleri boıynsha jaqyn jerde ornalasqan halyqty jumyspen qamtý ortalyǵyna nemese «Eńbek resýrstaryn damytý ortalyǵy» AQ-ǵa habarlasýǵa bolady.


Bizdiń kanalymyzǵa jazylyńyz:

Bólisińiz:

Avtor:

Mıra Tólendiqyzy

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Erbol Janat
Erbol Janat
954-059

MURAǴAT