+7 (701) 759 90 19
USD 423.95 EUR 495.81
RUB 5.84 CNY 65.6
Jańalyqtar

Jumys berýshilerdiń jarnasy ne úshin keri qaıtarylyp jatyr

2021 jylǵy 1 tamyz 19:21
Bólisińiz:
Jumys berýshilerdiń jarnasy ne úshin keri qaıtarylyp jatyr

NUR-SULTAN. QazAqparat - Medıtsınalyq saqtandyrý qorynyń Almaty fılıaly sońǵy kezde jumys berýshiler tólegen jarnanyń jappaı keri qaıtarylý sebebin túsindirip berdi, dep habarlaıdy QazAqparat «Áleýmettik medıtsınalyq saqtandyrý qory» KEAQ Almaty fılıalynyń baspasóz qyzmetine silteme jasap.

Uqsas jańalyqtar
Aıda Balaeva: Áleýmettik ótkir taqyryptardy taratýda qoǵam aldyndaǵy jaýapkershilikti umytpaǵan jón

Fılıal dırektory Tileýhan Ábildaevtyń aıtýynsha, sońǵy úsh aptadan beri jumys berýshiler mindetti áleýmettik medıtsınalyq saqtandyrý jarnasyn tóleı almaı otyr.

«MÁMS týraly zańda memleket tarapynan saqtandyrylatyn 15 sanat belgilengen. Olardyń bir bóligi jumys istegen kúnniń ózinde saqtandyrý tólemderinen bosatylǵan. Bul topqa joǵarǵy oqý ornynyń kúndizgi bóliminde oqıtyn stýdentter, múgedekter, zeınetkerler men «Altyn alqa», «Kúmis alqamen» marapattalǵan kóp balaly analar kiredi», - dedi fılıal dırektory.

Fılıal málimetinshe, jumys berýshiler arasynda atalǵan sanattar úshin jarna aýdaratyndar da barshylyq. Saldarynan saqtandyrý tólemderi eki jaqtan, memleket tarapynan da, jumys berýshi jaǵynan da tólenedi. Osynyń aldyn alý maqsatynda Eńbek jáne halyqty áleýmettik qorǵaý mınıstrligi 1-shildeden bastap jeńildigi bar sanat ókilderinen jarna/aýdarym qabyldaýǵa shekteý qoıǵan bolatyn.

Máseleni sheshý úshin jumys berýshilerge aldymen tólemder qaıtyp kelgen adamdardyń áleýmettik statýsyn teksergeni jón.

«Negizinen stýdentterdiń atyna aýdarylǵan jarnalar qaıtarylyp jatyr. Biraq jumys berýshiler olardyń kóbiniń oqymaıtynyn nemese JOO bitirip ketkenin aıtady. Sondyqtan aldymen máseleniń aq-qarasyn anyqtap alǵan jón», - deıdi Tileýhan Ábildaev.

Eger jumysker oqýdy bitirgen bolsa, ózi oqyǵan joǵarǵy oqý ornyna habarlasýy qajet. Sodan keıin JOO ony Bilim jáne ǵylym mınıstrliginiń bazasynan shyǵarady.

Esterińizge sala ketsek, Qor jeńildigi bar sanattardyń tizimin jasaý Qordyń quzyryna jatpaıdy.


Bizdiń kanalymyzǵa jazylyńyz:

Bólisińiz:
Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Janat Qapalbaeva
Janat Qapalbaeva
954-059

MURAǴAT