+7 (701) 759 90 19
USD 426.14 EUR 497.05
RUB 6.02 CNY 66.69
Jańalyqtar

Júkti áıelderde koronavırýs aýyr ótedi – dáriger

2021 jylǵy 16 qyrkúıek 15:19
Bólisińiz:
Júkti áıelderde koronavırýs aýyr ótedi – dáriger

ALMATY. Qazaqparat - Júkti áıelderde koronavırýs jáne basqa respıratorlyq aýrýlar anaǵurlym aýyr ótedi jáne asqynýy múmkin. Bul týraly Almaty qalasy Perınataldyq ortalyǵynyń akýsher-gınekolog dárigeri Ásel Omarqulova málim etti, dep habarlaıdy QazAqparat tilshisi.

Uqsas jańalyqtar
Atyraý oblysynda koronavırýs juqtyrǵan balalar men júkti áıelder kóbeıdi Ózbekstanda balalar arasynda koronavırýs juqtyrý jıilep ketti BQO-da koronavırýs juqtyrǵan 800-den astam adam ambýlatorlyq em alyp jatyr

Onyń aıtýynsha, júkti áıelderdi emdeý tásili ártúrli. Sonymen qatar, olardyń aǵzasy sýyq tııýge, juqpaly aýrýlarǵa, onyń ishinde koronavırýske asa sezimtal bolady.

«Júkti áıelder arasynda koronavıýrstyń taralýyna kelsem, ol aǵzaǵa aýa arqyly jáne turmystyq jaǵdaıda aýyrǵan adamnan juǵady. Vırýs aǵzaǵa túsken soń kóptegen ózgerister shaqyrady, ıaǵnı jergilikti jáne ımmýndyq. Jergilikti bul qan quramyndaǵy gemostazdyń qalypty jaǵdaıyn buzady. Qan tamyrlary qabyrǵasynyń ótkizgishtigin joǵarylatady. Aǵzaǵa otteginiń tolyqqandy jetpeýine baılanysty kóptegen qan tamyrlarynda makro jáne mıkro tromptar túziledi, onyń arty asqynýǵa ákeledi»,-deıdi dáriger.

Júkti áıelde ınkýbatsııalyq merzim 2-14 kún aralyǵynda damýy múmkin. Vırýs juqqanda keıde belgisi bilinbeıdi, ol tek test alǵanda ǵana anyqtalady. Al, sıptomdy kezde joǵary tynys alý joldaryn zaqymdap farangıt, renıt belgilerimen kórinedi. Al, tómengi tynys alý joldarymen ókpe qabynsa ol pnevmonııa belgisimen basqa da múshelerdi zaqymdaıdy. Asqazan joldaryn zaqymdasa, onda gastrıt, júıke júıede nevrıt, mıdy zaqymdasa – menıngıt belgilerimen kórinýi múmkin.

Sonymen qatar ol Almatynyń perınataldyq ortalyǵynda bıyl KVI juqtyrǵan 279 júkti áıel dárigerlerdiń baqylaýynda bolǵanyn jetkizdi.

«Ortalyqtyń ınfektsııalyq bóliminde 279 júkti áıel men 8 jańa týǵan náreste emdeldi, 191 áıel bosandy. Dárigerler júktiligi 22-den 33-shi aptaǵa deıingi bosaný qaýpi joǵary áıelderdi baqylaýda ustap, emdedi»,- deıdi Ásel Omarqulova.

Spıker sondaı-aq júkti jáne bala emizetin analardy koronavırýstan emdeý erekshelikteri týraly aıtty.

«Júktilik kezinde ósip kele jatqan náreste áıeldiń ókpesi men júregine qysym jasaı bastaıdy, bul qan aınalymyn qıyndatady. Eger bolashaq ana COVID-19-ben qatty aýyrsa, bul onyń jaǵdaıyn nasharlatyp, tynys alýyn qıyndatady. Mundaı jaǵdaılarda dárigerler áıeldi aýrýhanada óte muqııat baqylaıdy. Ádette, mundaı naýqastarda tynys jetispeýshiliginiń tez damýy, merziminen buryn bosaný qaýpiniń joǵarylaýy baıqalady. Perınataldy asqynýlardyń órshý qaýpi óte joǵary», - dedi gınekolog.

Onyń aıtýynsha, jedel túrde aýrýhanaǵa jatqyzýdyń negizgi kórsetkishi – dene qyzýy men 5 kún boıy 38 S jáne odan joǵary temperatýra, qyzý túsiretin preparattarǵa tózimdi, qalypty turmystyq júkteme kezinde entigip sóıleý, aýrý sıpaty údeýi, satýratsııanyń tómendeýi.

«COVID-19-ben aýyr jáne óte aýyr jaǵdaıdaǵy júkti áıelderdi, bosanǵan jáne jańa bosanǵan áıelderdi Almaty qalasynyń perınataldyq ortalyǵynyń akýsher-gınekology, perınataldy, neonataldy jáne reanımatsııalyq terapııa mamandarynan turatyn kópsalaly top baqylap, olardyń tez saýyǵýy úshin qoldan kelgenniń bárin jasaıdy»,- deıdi ol.


Bizdiń kanalymyzǵa jazylyńyz:

Bólisińiz:

Avtor:

Alma Muqanova

Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Janıbek Amangeldı
Janıbek Amangeldı
954-059

MURAǴAT