Júk poıyzy 20-dan astam qoı-eshkini qaǵyp ketti
2022 jylǵy 18 maýsym 15:58

Júk poıyzy 20-dan astam qoı-eshkini qaǵyp ketti

NUR-SULTAN. QazAqparat – Aqmola oblysy aýmaǵynda júk poıyzy temir jolda jaıylyp júrgen ondaǵan maldy basyp ketti, dep habarlaıdy QazAqparat Kóliktegi polıtsııa departamentiniń baspasóz qyzmetine silteme jasap.

Oqıǵa «OP-96-Jaınaq» temir jol ótkelinde bolǵan. Júk poıyzynyń mashınısi temir jolda maldyń jaıylyp júrgenin baıqap, tejegishti shuǵyl basqanymen, toqtap úlgermeıdi. 22 qoı-eshki ólgen, al poıyz 22 mınýt toqtap turýǵa májbúr bolǵan.

«Nur-Sultan stantsııasy Jelilik polıtsııa basqarmasynyń qyzmetkerleri úı janýarlarynyń ıesin anyqtady. Ol elordanyń 43 jastaǵy turǵyny bolyp shyqty. Mal ıesine QR ÁQK 559-baby 1-tarmaǵymen temir jol aýmaǵynda mal jaıý erejelerin buzǵany úshin ákimshilik jaýapkershilikke tartyldy», - dep málimdedi departamentten.

Aıta ketsek, jyl basynan beri Kóliktegi polıtsııa departamenti poıyzdardyń shuǵyl toqtaýy boıynsha 824 fakti tirkegen, onyń 534-i temir joldarda maldyń júrýine baılanysty boldy. 351 mal ıesine ákimshilik shara qoldanyldy.


Uqsas jańalyqtar
Seriktester jańalyqtary

Jańalyqtar

Úrdis

MURAǴAT