+7 (701) 759 90 19
USD 411.54 EUR 458.13
RUB 5.84 CNY 57.64
Jańalyqtar

Jýalydaǵy 15 aýylǵa aýyzsý, 7 eldi mekenge gaz tartylady

2020 jylǵy 23 mamyr 22:59
Bólisińiz:
Jýalydaǵy 15 aýylǵa aýyzsý, 7 eldi mekenge gaz tartylady

JÝALY. QazAqparat – Jambyl oblysynyń ákimi Berdibek Saparbaev aýdandarǵa jumys saparyn jalǵastyrýda. Aımaq basshysy Jýaly aýdanyna baryp, onda aýyzsý, kógildir otynmen qamtý, mektep qurylystary men jóndeý jobalarynyń júzege asyrylý barysymen tanysty, dep habarlaıdy QazAqparat.

Aýdanda túrli memlekettik baǵdarlamalar boıynsha 38 jobany júzege asyrýǵa 4,6 mıllıard teńge bólingen.

Oblys ákiminiń aýdandaǵy jumys sapary Qarasaz aýyldyq okrýginen bastaldy. Okrýgke qarasty Aqbastaý aýylynda 136 aýlada 720 adam turady. Berdibek Saparbaev 1993 jyly boı kótergen, búginde 187 bala bilip alyp jatqan aýyl mektebine at basyn buryp, kabınetter men sport jáne akt zaldaryn aralady. Ol mektep basshylyǵynyń nazaryn oqý ordasynyń ishin bezendirý, balalarǵa qolaıly jaǵdaı jasaý qajettiligine aýdardy.

Aǵymdaǵy jyly «Jumyspen qamtýdyń jol kartasy» aıasynda aýyl turǵyndaryn ortalyqtandyrylǵan aýyz sýmen qamtamasyz etý josparlanǵan. Quny 178 mln teńgeni quraıtyn jobany «Baısyn-A» JShS júzege asyrýda. Sý qubyrynyń uzyndyǵy 14 shaqyrymdy quraıdy. Osyndaı joba Jurymbaı aýylynda da qolǵa alynǵan. Sýmen jabdyqtaý qurylysynyń nátıjesinde 400-ge jýyq aýyl turǵyndary taza aýyz sýǵa qol jetkizbek.

Jalpy aýdan boıynsha bıyl barlyǵy 15 eldi meken aýyz sýmen qamtamasyz etiledi dep kútilýde.

Budan bólek, bıyl aýdandaǵy jeti aýyldyq eldi meken gazdandyrylady. Bul baǵyttaǵy jumystardy merdiger uıym «QazMunaıQurylys» JShS júzege asyrýy kózdelgen. Osy turǵyda «Jumyspen qamtýdyń jol kartasy» baǵdarlamasy aıasynda 1,4 mıllıard teńge qarastyrylǵan. Nátıjesinde aımaqtaǵy turǵyndardy gazben qamtý deńgeıi 75,5 paıyzǵa, sýmen qamtý 71,5 paıyzǵa jetpek.

Berdibek Saparbaev Qońyrtóbe, Kúreńbel aýyldaryndaǵy orta mektepterdiń jaı-kúıimen, aýdan ortalyǵy – B.Momyshuly aýylyndaǵy jol jóndeý jumystarynyń barysymen de tanysty. Bıyl munda jalpy uzyndyǵy 11,2 shaqyrym bolatyn 10 kóshe jóndeýden ótedi. Oǵan 219 mıllıon teńge bólingen.

Berdibek Saparbaev aýdan ákimine barlyq jumystardyń tıimdi ári keshendi túrde júrgizilýin qamtamasyz etýdi tapsyrdy.

«Asfalt tóseý barysynda jol jumystarynyń sapasyn baqylaý úshin qoǵam ókilderin, depýtattar men belsendi turǵyndardy tartý qajet. Tıisti baqylaý bolmasa, aqsha jelge ushady», - dedi ol.


Bizdiń kanalymyzǵa jazylyńyz:

Basty sózder: Jambyl oblysy, Ákim, Qurylys, Jol, Gaz,
Bólisińiz:

Avtor:

Qajy Murat

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Bakytjan Erbasov
Bakytjan Erbasov
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT