JSDP aldaǵy saılaýǵa qatyspaıdy

NUR-SULTAN. QazAqparat – Búgin Jalpyulttyq sotsıal-demokratııalyq partııanyń sezi ótti. Jıyn barysynda partııanyń aldaǵy Parlament Májilisi men máslıhat saılaýyna qatyspaıtyny týraly sheshim qabyldandy, dep habarlaıdy QazAqparat tilshisi.

Uqsas jańalyqtar

Prezıdent bastamalary memleket pen qoǵam arasyndaǵy baılanys tetikterin jetildirýge negizdelgen - sarapshy

Atyraý oblystyq máslıhatyna jańa hatshy saılandy BQO máslıhatyna jańadan hatshy saılandy BQO máslıhatynyń depýtattyǵyna kimder saılanǵany belgili boldy

Jalpyulttyq sotsıal-demokratııalyq partııanyń seziniń kún tártibinde partııanyń aldaǵy saılaýǵa qatysatyny nemese qatyspaıtyny týraly másele qaraldy.

Daýys berý qorytyndysy boıynsha sezge qatysqan zaldaǵy partııa músheleriniń 80 paıyzy , ıaǵnı 32-si boıkot jarııalaýdy qoldady, 3 adam saılaýǵa qatysýǵa daýys berdi. 5 adam qalys qaldy.

Sezdi qorytyndylaı kele Jalpyulttyq sotsıal-demokratııalyq partııasynyń tóraǵasy Májilis pen máslıhat saılaýyna qatyspaıtyny týraly sheshimin jarııalady.

Osyǵan oraı saılaýǵa baılanysty basqa da máselelerdiń bári sezdiń kún tártibinde qaralmaıtyn boldy.

«Jumysty ary qaraı jalǵastyrýymyz kerek. Boıkotpen ómir toqtap qalmaıdy. Alda taǵy saılaý bolady. Biz partııany qurý jumysyn jalǵastyrýymyz kerek. Bıyl birshama isti tyndyrýdy kózdegen edik. Bolǵan jaılardy oı eleginen ótkizerlik ýaqyt bar. Biz jańǵyrý baǵdaryn jarııalaýymyz kerek», - dedi partııa tóraǵasy Ashat Rahymjanov.