+7 (701) 759 90 19
USD 427.91 EUR 506.9
RUB 5.6 CNY 64.17
Jańalyqtar

JRVI men tumaýdan qalaı saqtaný kerek - dáriger-ınfektsıonıst keńesi

2020 jylǵy 25 qyrkúıek 15:13
Bólisińiz:
JRVI men tumaýdan qalaı saqtaný kerek - dáriger-ınfektsıonıst keńesi

NUR-SULTAN. QazAqparat – Astana medıtsına ýnıversıteti balalar ınfektsııalyq aýrýlary kafedrasynyń dotsenti, PhD doktory, dáriger-ınfektsıonıst Baıan Turdalına jedel respıratorly vırýsty ınfektsııalar men tumaýdan qalaı saqtaný qajettigin aıtty, dep habarlaıdy QazAqparat tilshisi.

Uqsas jańalyqtar

«Dúnıejúzinde koronavırýs ınfektsııasy indeti bastalǵan ýaqyttan beri jarııalanǵan sheteldik zertteý málimetterine súıensek, COVID-19 aýrýyna qarsy áleýmettik shekteý sharalaryna baılanysty ózge jedel respıratorly vırýsty ınfektsııalardyń (JRVI) taralý jıiligi de áldeqaıda azaıǵany tirkelip otyr. JRVI-diń ishinde tumaý vırýsy qaýipti ınfektsııalardyń biri sanalady. Ol ásirese, erte jastaǵy balalar men egde jastaǵy adamdarda aýyr aǵymymen sıpattalady. Juqpaly aýrýlardyń aldyn alýdyń eń tıimdi ádisi – ekpe. Sondyqtan tumaý vırýsyna qarsy ekpe alǵandaryńyz jón. Buǵan qosa, mindetti túrde aldyn alý, saqtyq sharalaryn meılinshe ustaný da asa qajet», - dedi dáriger-ınfektsıonıst.

PhD doktory eń aldymen, áleýmettik araqashyqtyqty tolyqtaı saqtaýǵa tyrysý qajettigin aıtady.

«Balalaryńyzben adam kóp shoǵyrlanǵan oryndarǵa barmaýǵa tyrysqandaryńyz jón. Múmkindik bolyp jatsa alda kele jatkan epıdemıologııalyq maýsymda mektepke jáne mektepke deıingi mekemege barmańyzdar. Qashyqtan oqytý ádisine beıimdelińizder. Qoǵamdyq oryndarda mindetti túrde – maska taǵyp, qoldaryńyzdy antıseptıkalyq eritindimen jıi tazalap otyryńyzdar», - dedi Baıan Turdalına.

Onyń aıtýynsha, ratsıonaldy kún tártibin saqtaý, ıaǵnı belsendi ýaqyt pen demalys ýaqytyn kezektestirý, tańerteńgi jattyǵýlardy oryndaý adamnyń jalpy ımmýnıtetin kóteretin sharalar sanalady. Sondyqtanda mundaı daǵdyǵa balalaryńyzdy da baýlý barynsha mańyzdy.

«Kúndelikti tamaqtaný rejımin saqtaýǵa da basa mán bergen jón. Aǵzanyń táýliktik fızıologııalyq sý qajettiligin eresekterge, qarsy kórsetkishter bolmasa – 1,5-2 lıtrge deıin, balalarǵa jasy men salmaǵyna baılanysty paıdalaný qajet. Taza aýada serýendeýdiń de paıdasy óte zor. Psıhoemotsıonaldyq fonyńyzdy qalpynda saqtaý úshin teledıdar, gadjetterdi asa qajettilik bolmasa paıdalanbaǵan durys. Birneshe jyldarǵa sozylatyn shetel serıaldaryn qaramaý kerek. Tek kóńilge qonymdy, kóńil-kúıdi sergitetin baǵdarlamalar qaraý durys bolady», - dedi PhD doktory.

Dáriger-ınfektsıonıst jedel respıratorly vırýsty ınfektsııalar men tumaýdyń belgileri baıqalsa dárigerdiń kómegine júginý kerektigin eskertedi.

«Al eger sizde nemese sizdiń balalaryńyzda aldaǵy epıdemıologııalyq maýsym kezinde tumaý vırýsynyń negizgi belgileri – dene qyzýynyń 40S deıin joǵarylaýy, aıqyn álsizdik, bulshyq et aýrýy, keıde murynnan qan ketý, al kishkentaı balalarda – tamaqtan jáne sýdan bas tartý, aıqyn mazasyzdaný belgilerin baıqasańyz dárigerdiń kómegine tez arada júgingenińiz abzal», - dedi Baıan Turdalına.


Bizdiń kanalymyzǵa jazylyńyz:

Bólisińiz:

Avtor:

Aıjan Serikjanqyzy

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Jarylqasyn Saıagúl
Jarylqasyn Saıagúl
954-059
REDAKTOR
Úmbet Sholpan
Úmbet Sholpan
954-059

MURAǴAT