+7 (701) 759 90 19
USD 423.87 EUR 505.25
RUB 5.59 CNY 64.43
Jańalyqtar

JOO salasyndaǵy reıtıng ýnıversıtetterge qalaı áser etedi

2019 jylǵy 10 jeltoqsan 14:15
Bólisińiz:
JOO salasyndaǵy reıtıng ýnıversıtetterge qalaı áser etedi

NUR-SULTAN. QazAqparat – QR BǴM Bilim jáne ǵylym salasyndaǵy baqylaý komıtetiniń tóraǵasy Gúlzat Kóbenova JOO salasyndaǵy reıtıng ýnıversıtetterge qalaı áser eteninin aıtty, dep habarlaıdy QazAqparat tilshisi.

«Atameken» UKP júrgizgen reıtıngtiń nátıjesi mınıstrlik tarapynan qanshalyqty paıdalanylady? Eń bastysy, memlekettik bilim tapsyrysyn ornalastyrǵan kezde paıdalanylady. Bul jerde talapkerler oqýǵa túser barysynda qaı JOO-da qandaı reıtıng qalyptasqanyn kóre alady. Ekinshiden, joǵary oqý oryndary túlekteriniń jumysqa ornalasý máselesi de bar. Búginde árbir JOO bir jyl ishinde túlekteriniń kem degende 50 paıyzyn jumysqa ornalasýyn nazarda ustaýy qajet. Júrgizilgen reıtıng barysynda túlekterdiń jumysqa turýy respýblıka boıynsha ortasha eseppen 74 paıyz qurady. Degenmen, JOO-lardaǵy bilim berý baǵdarlamasynyń deńgeıi ártúrli. Osy turǵyda joǵary oqý oryndary jumystaryn jandandyrýy kerek», - dep toqtaldy komıtet basshysy Ortalyq kommýnıkatsııalar qyzmetindegi baspasóz máslıhatynda.

Onyń sózine qaraǵanda, mınıstrlik tarapynan reıtıng kórsetkishi tekseris barysynda paıdalanylady.

«Eń bastysy, búginde joǵary oqý oryndaryna tekseris júrgizilgen kezde profılaktıkalyq baqylaý retinde iske asyrylady. Eger de JOO-da kórsetkishteri tómen bolsa, ıaǵnı jumysqa ornalasý kórsetkishinen bólek stýdentterdiń úlgerimi, bilim deńgeıi, bilim berý baǵdarlamalarynyń sapasy boıynsha eskeriledi. Qazirgi kezde tekserý nátıjesi boıynsha árbir oqý ornyna hattama toltyrylady. Onyń negizinde kemshilikterdi joıý úshin JOO-ǵa tıisti ýaqyt beriledi. Ekinshi márte qarastyrylǵan kezde kemshilikter joıylmasa, onda materıaldar sheshim qabyldaý úshin sotqa jiberiledi nemese tıisti shara qoldanylady», - dedi Gúlzat Kóbenova.

Budan buryn habarlanǵandaı, «Atameken» ulttyq kásipkerler palatasy eki jyl qatarynan QR Bilim jáne ǵylym mınıstrligi men «Eńbek resýrstaryn damytý ortalyǵy» AQ-men birlesep, otandyq joǵary oqý oryndarynyń bilim berý baǵdarlamalaryna táýelsiz baǵalaý júrgizip keledi. Búgin elordada sol reıtıngtiń nátıjesi jarııalandy.

Belgili bolǵandaı, otandyq JOO-daǵy bilim berý baǵdarlamalarynyń 73 paıyzy jumys berýshilerdiń suranysyna saı kelmeıdi.

Bizdiń kanalymyzǵa jazylyńyz:

Bólisińiz:

Avtor:

Rýslan Ǵabbasov

Pikir qaldyrý
+7
Jiberý
ONLAIN QYZMETKERLER
REDAKTOR
Janıbek Amangeldı
Janıbek Amangeldı
954-059
REDAKTOR
Janat Qapalbaeva
Janat Qapalbaeva
954-059
REDAKTOR
Úmbet Sholpan
Úmbet Sholpan
954-059

MURAǴAT