+7 (701) 759 90 19
USD 377.09 EUR 407.37
RUB 5.93 CNY 53.95
Jańalyqtar

Joldardyń sapasy boıynsha qaı óńir kósh bastap tur

2020 jylǵy 26 qańtar 09:25
Bólisińiz:
Joldardyń sapasy boıynsha qaı óńir kósh bastap tur

NUR-SULTAN. QazAqparat – 2019 jyly Qazaqstanda respýblıkalyq mańyzdaǵy joldardyń 88%, jergilikti joldardyń 71% jaqsy jáne qanaǵattanarlyq deńgeıge jetkizildi. Bul týraly QR Indýstrııa jáne ınfraqurylymdyq damý mınıstrliginen málim etti, dep habarlaıdy QazAqparat.

Uqsas jańalyqtar

2019 jyly elimizdiń avtojol salasynda eleýli ózgeris boldy. Jalpy

Málim etilgendeı, byltyr paıdalanýdaǵy avtojoldardyń, joldardy jóndeý jumystarynyń sapasyn baqylaý maqsatynda QR Indýstrııa jáne ınfraqurylymdyq damý mınıstrligi Avtomobıl joldary komıtetine qarasty «Ulttyq jol aktıvteri sapasy ortalyǵy» respýblıkalyq memlekettik kásiporny quryldy. Sodan bergi 9 aı ishinde Ortalyq mamandary avtojoldardy 8 myń ret tekserip, 5 myńǵa tarta zań buzýshylyqty anyqtaǵan. Qurylys materıaldarynyń 12 myńnan astam synamasy alynyp, zerttelgen.

«Aqmola, Qostanaı, Shyǵys Qazaqstan, Batys Qazaqstan jáne Pavlodar oblystary men Nur-Sultan qalasy joldarynda qalyńdyǵy men tyǵyzdyǵynyń jetkiliksizdigi, asfalt-beton jabynynyń sýǵa qanyǵý normasynyń asyp ketýi sııaqty óreskel qatelikter anyqtaldy. Nátıjesinde 700 mln teńge somaǵa eskertýler joıylyp, merdiger uıymdar, jobalaýshylar men tehnıkalyq qadaǵalaý qyzmetteri ákimshilik jaýapkershilikke tartyldy», - delingen mınıstrlik málimetinde.

Óńirler arasynda jaqsy jol jabyny boıynsha Mańǵystaý oblysy kósh basynda. Onda joldardyń 93% jaqsy jáne qanaǵattanarlyq jaǵdaıda. Al sońǵy orynda joldarynyń 31% ǵana jaqsy kórsetkshke ıe Batys Qazaqstan oblysy tur. Respýblıkalyq joldarynyń jaǵdaıy 100% jetken óńirler de bar, olar – Qyzylorda jáne Túrkistan oblystary. Atyraý oblysynda respýblıkalyq joldar sapasy búgingi tańda 66% shamasynda. Bul - óńirler arasynda eń tómengi parametr.

«Sondaı-aq jol boıyndaǵy qyzmetter jaqsy jáne qolaıly bolmaı, jol jelisi de sapaly bolmaıdy. QR Indýstrııa jáne ınfraqurylymdyq damý mınıstrligi buǵan erekshe kóńil bólip otyr. Qazir respýblıkalyq joldar boıynda 1803 qyzmet kórsetý nysany jumys istese, olardyń 883-i nemese 49% ǵana Ulttyq standart talaptaryna saı keledi. Ákimdikterdiń belsendi qyzmeti nátıjesinde Atyraý, Qostanaı, Aqmola jáne Aqtóbe oblystary jaqsy nátıje kórsetip otyr. Bul óńirlerde jol boıy qyzmetiniń sapasy 50% asady. Mańǵystaý, Soltústik Qazaqstan, Túrkistan jáne Batys Qazaqstan oblystarynda kerisinshe ol 40% jetpeıdi.

Jýyrda qabyldanǵan «Nurly jol» ınfraqurylymdyq damý memlekettik baǵdarlamasy sapaly kólik ınfraqurylymyn qurýǵa baǵyttalǵan. Ol halyq úshin yńǵaıly jáne qoljetimdi bolyp, eńbek ónimdiligi men ómir sapasyn arttyrady. Nátıjesinde respýblıkalyq joldardyń 100%, oblystyq jáne aýdandyq joldardyń 95% jaqsy jáne qanaǵattanarlyq jaǵdaıǵa jetkizilýi tıis», - dedi mınıstrlikten.


Bizdiń kanalymyzǵa jazylyńyz:

Bólisińiz:
Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Janıbek Amangeldı
Janıbek Amangeldı
954-059

MURAǴAT