+7 (701) 759 90 19
USD 389.86 EUR 435.32
RUB 6.12 CNY 55.12
Jańalyqtar

«Jolda qabyldaý»: SQO-da polıtsııanyń mobıldik pýnktteri eki kúnde 400-den astam suraqqa jaýap berdi

2019 jylǵy 16 qyrkúıek 03:28
Bólisińiz:
«Jolda qabyldaý»: SQO-da polıtsııanyń mobıldik pýnktteri eki kúnde 400-den astam suraqqa jaýap berdi

PETROPAVL. QazAqparat – Soltústik Qazaqstan oblysynda kezekti «Jolda qabyldaý» respýblıkalyq aktsııasy ótip, eki kúnniń ishinde turǵyndardan 400-den astam suraq tústi, dep habarlaıdy QazAqparat tilshisi.

SQO Polıtsııa departamenti baspasóz qyzmetiniń habarlaýynsha, 13-14 qyrkúıek juma jáne senbi kúnderi ákimshilik polıtsııa, kóshi-qon jáne jergilikti polıtsııa qyzmetteriniń tájirıbeli qyzmetkerleri ashyq aspan astynda azamattardy qabyldady. Aýdandyq bólinisterdiń qyzmetkerleri de aktsııa barysynda turǵyndardyń saýaldaryna jaýap berdi.

Aktsııanyń birinshi kúninde negizgi mobıldik pýnkt Ýálıhanov kóshesi, 56 mekenjaıyndaǵy Sity Mall saýda úıiniń janynda qoıyldy. Aktsııaǵa ádettegideı qyzmetterdiń basshylarymen birge Polıtsııa departamentiniń bastyǵy Marat Tólebaev ta qatysty. SQO boıynsha Sybaılas jemqorlyqqa qarsy is-qımyl departamentiniń adaldyq jáne preventsııa basqarmasynyń basshysy Damır Habıbýllın de jaýap berdi.

Azamattarǵa yńǵaıly bolý úshin polıtsııa qyzmetkerleri «Aýlalarda qabyldaý» formatynda da jumys istedi. Ýchaskelik polıtsııa ınspektorlary turǵyndardy aldyn ala aktsııa jaıynda habardar etti. Suraqtar negizinen úı sharýasyndaǵy áıelder men zeınetkerlerden kelip tústi. Saqshylar olardyń árqaısysyna ishki ister organdarynyń quzyreti sheńberinde jaýap berdi.

Al senbi kúni polıtseıler tańǵy saǵat 9.00-dan bastap Qazaqstan Konstıtýtsııasy kóshesi men Áýezov kósheleriniń qıylysynda azamattardyń suraqtaryna jaýap berdi. SQO PD Ákimshilik polıtsııa basqarmasynyń bastyǵy Jasulan Ospanovtyń aıtýynsha, tek aktsııanyń alǵashqy kúninde oblys polıtseıleri 169 suraqty qaraǵan. Olardyń 29 – jol qozǵalysyna, 26 – kóshi-qon zańnamasyna, 19 – kólikti tirkeýge qatysty bolǵan.

Adamdardy barynsha qamtý úshin polıtseıler Instagram men Facebook áleýmettik jelilerinde tikeleı efırler uıymdastyrdy. Azamattardy ásirese kóshi-qon qyzmeti, qarýdy saqtaý men tirkeý, djıpterdiń tehnıkalyq baıqaýdan ótýi jáne jalpy jol qozǵalysy boıynsha suraqtar qyzyqtyrdy. Ár turǵyn tyńdalyp, tolyqqandy jaýaptar berildi.

Aktsııanyń eki kúninde tártip saqshylaryna 400 astam suraq kelip tústi.

Tártip saqshylarynyń málimetinshe, «Jolda qabyldaý» aktsııasy jyl basynan osymen altynshy ret uıymdastyryldy. QR ІІM bastamasymen atalmysh aktsııa sáýir aıynan bastap jańasha formatta ótkizilip keledi.


Bizdiń kanalymyzǵa jazylyńyz:

Bólisińiz:

Avtor:

Aqerke Dáýrenbekqyzy

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Jarylqasyn Saıagúl
Jarylqasyn Saıagúl
954-059

MURAǴAT