+7 (701) 759 90 19
USD 428.68 EUR 507.21
RUB 5.57 CNY 64.2
Jańalyqtar

Jolda ishimdik iship, eldiń mazasyn alǵan 9 jolaýshy poıyzdan túsirildi

2020 jylǵy 19 aqpan 16:03
Bólisińiz:
Jolda ishimdik iship, eldiń mazasyn alǵan 9 jolaýshy poıyzdan túsirildi

NUR-SULTAN. QazAqparat - Kólik polıtseıleri «Almaty-Qostanaı» baǵytyndaǵy jolaýshylar poıyzynda buzaqylyq jasaǵan bir top adamdy ustady, dep habarlaıdy QazAqparat kóliktegi polıtsııa departamentine silteme jasap.

18 aqpanda Nur-Sultan stansasyndaǵy jelilik polıtsııa basqarmasyna «Almaty-Qostanaı» baǵytyndaǵy jolaýshylar poıyzynyń 26 jastaǵy jolserigi shaǵymdanyp keldi. Onyń aıtýynsha, atalǵan poıyzdyń júrý jolynda 9 adam alkogoldi ishimdik iship, aıǵaılap sóılesip, jolaýshylardyń mazasyn alǵan, sóıtip qoǵamdyq tártipti buzǵan.

«Quqyq buzýshylar jolseriktiń eskertýine dóreki jaýap berip, onyń ar-namysy men qadir-qasıetin qorlaıtyn balaǵat sózder aıtqan. Sóıtip, qatty qoryqqan jolserik áıel qyzmettik kýpege tyǵylyp, poıyz bastyǵy men polıtseılerdi shaqyrýǵa májbúr bolǵan. Tipti, olar kelip jetken kólik polıtseıleriniń de jaǵasyna jarmasyp, bılik ókilderine kúsh kórsetken» delingen habarlamada.

Poıyz elordaǵa kelgennen keıin quqyq buzýshylar poıyzdan túsirilip, Nur-Sultan stansasyndaǵy jelilik polıtsııanyń kezekshi bólimine jetkizildi. Sol jerde atalǵan tulǵalarǵa qatysty hattama toltyryldy.

Sot-medıtsınalyq saraptamaǵa sáıkes, ustalǵan azamattardyń alkogoldi ishimdik ishkeni anyqtaldy.

Atalmysh fakti QR QK 293-babynyń 2-bóliginde kózdelgen qylmystyq quqyq buzýshylyq belgileri boıynsha sotqa deıingi tergep-tekserýdiń biryńǵaı tiziliminde tirkeldi.


Bizdiń kanalymyzǵa jazylyńyz:

Bólisińiz:
Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Erbol Janat
Erbol Janat
954-059

MURAǴAT