+7 (701) 759 90 19
USD 375.91 EUR 416.85
RUB 6.10 CNY 54.77
Jańalyqtar

Jolaqy, ystyq tamaq, kitap-dápter: Tabysy az otbasy balalaryna beriletin kómekke ne kiredi

2019 jylǵy 6 jeltoqsan 12:33
Bólisińiz:
Jolaqy, ystyq tamaq, kitap-dápter: Tabysy az otbasy balalaryna beriletin kómekke ne kiredi

NUR-SULTAN. QazAqparat - Tabysy az otbasylardyń balalaryna arnalǵan kepildendirilgen áleýmettik toptamada ne bar? QR Eńbek jáne halyqty áleýmettik qorǵaý mınıstrligi túsindirip berdi, dep habarlaıdy QazAqparat.

Uqsas jańalyqtar
Ómirzaq Shókeev: Men eshkimge qoldan kelmeıtin tapsyrma júktemeımin Pavlodarda múgedektik tobyn berýdiń eýropalyq nusqasyn engizý usynyldy Almaty oblysynda 43 myńǵa jýyq kópbalaly otbasy bar

QR Eńbek jáne halyqty áleýmettik qorǵaý mınıstrligi QR Densaýlyq saqtaý mınıstrligi men QR Bilim jáne ǵylym mınıstrliginiń usynymdary negizinde ataýly áleýmettik kómek alatyn tabysy az otbasylardyń balalaryna arnalǵan 2020 jylǵy 1 qańtardan berile bastaıtyn kepildendirilgen áleýmettik toptamany tanystyrdy.

«Kepildendirilgen áleýmettik toptama 1 jastan 6 jasqa deıin jáne 6 jastan 18 jasqa deıingi balalarǵa beriledi. 1 jastan 6 jasqa deıingi balalarǵa azyq-túlik jáne turmystyq hımııa taýarlarynyń jıyntyqtary qosylady dep josparlanýda. Óz kezeginde azyq-túlik jıyntyǵy: 1-den 3 jasqa deıin jáne 3-ten 6 jasqa deıin balalardyń jas sanatyna baılanysty ár túrli bolady. QR DSM usynymdaryna sáıkes azyq-túlik jıyntyqtary fızıologııalyq erekshelikterdi, azyq-túliktiń taǵamdyq jáne energetıkalyq qundylyǵynyń araqatynasy men balanyń jasyna sáıkes olardy paıdalaný normalaryn eskere otyryp qalyptastyrylǵan jáne bul jıyntyq AÁK taǵaıyndaý kezeńinde aıyna bir ret beriledi» delingen habarlamada.

1 jastan 3 jasqa deıingi balalarǵa arnalǵan tamaq ónimderiniń jıyntyǵyna: ýltra pasterlengen sút 2,5%, 1,95 l; balalar pechenesi (5 aıdan bastap balalarǵa arnalǵan), 180 gr; ólshep oralǵan untaq jarmasy, 700 gr; balalarǵa arnalǵan gıpoallergendi botqalar assortımenti (5 aıdan asqan balalarǵa arnalǵan), 320 gr; balalar pıýresiniń gıpoallergendi assortımenti, 1150 gr; júgeri jarmasy, 400 gr; býyp-túıilgen suly úlpekteri, 800 gr kiredi

3 jastan 6 jasqa deıingi balalarǵa arnalǵan azyq-túlik jıyntyǵyna: 2,5%, 1,95 l ýltra pasterlengen sút; bıdaıdyń qatty sorttarynan jasalǵan makarondar, 800 gr; býyp-túıilgen suly úlpekteri, 800 gr; kúnbaǵys maıy, 0,8 l; klassıkalyq gematogen, 240 gr; quramynda untaqtalmaǵan dánderi bar tańǵy asqa arnalǵan sút úlpekteri, 250 gr; temirge, S jáne V dárýmenderge baı balalar pechenesi (5 aıdan bastap balalarǵa arnalǵan), 360 gr; ólshep oralǵan arpa jarmasy, 1 kg; ólshep oralǵan qaraqumyq jarmasy, 1600 gr; jarylǵan burshaq, 800 gr; ólshep oralǵan untaq jarmasy, 700 gr; tabıǵı bal, 200 gr kiredi.

Bul jınaqtar balanyń kúndizgi tamaqtaný ratsıonyn qamtamasyz etýge arnalmaǵanyn, olardyń maqsaty – ósip kele jatqan aǵzadaǵy vıtamınderdiń jetispeýshiligin óteý ekendigin atap ótken jón.

1 jastan 6 jasqa deıingi balalarǵa arnalǵan turmystyq hımııa taýarlarynyń jıyntyǵynyń quramyn da QR DSM anyqtady. Oǵan jeke gıgıena zattary (birinshi qajettilik): balalar kremi, krem-sabyn, kir sabyn, tis pastasy, balalar sýsabyny, tis etkasy, kir jýatyn untaq kirdi. Mundaı jıyntyqpen tabysy az otbasylardan shyqqan balalar AÁK taǵaıyndaý kezeńinde toqsanyna bir ret qamtamasyz etiledi.

6 jastan 18 jasqa deıingi balalarǵa arnalǵan kepildi paket 4 bólikten turady. Oǵan: oqý orny boıynsha bir rettik mektepte tamaqtaný, mektep formasymen qamtamasyz etý, mektep jabdyqtarymen qamtamasyz etý, qalalyq kólikte jol júrýdiń 50% óteý kiredi.

Mektep formasynyń, sondaı-aq mektep kerek-jaraqtarynyń jıyntyqtarymen balalar jylyna bir ret qamtamasyz etiledi. Olardy satyp alýǵa arnalǵan sertıfıkattar oqý jyly bastalar aldynda, tamyz aıynda beriledi dep josparlanyp otyr.

Uldarǵa arnalǵan mektep formasynyń jıyntyǵyna kelesi ataýlar kiredi: pıdjak, jılet, shalbar, merekelik kóılek, kúndelikti kóılek, qysqy ýaqytta – trıkotaj keýdeshesi. Qyzdar úshin: pıdjak, jılet, ıýbka, klassıkalyq jeıde. Qysqy ýaqytta-trıkotaj keýdeshe men sarafan.

Bastaýysh, orta jáne joǵary synyp balalaryna arnalǵan mektep kerek-jaraqtarynyń jıyntyǵy óz quramy boıynsha erekshelenetin bolady dep boljanýda.

Bastaýysh mektep oqýshylaryna arnalǵan komplektke: rıýkzak, kúndelik, 20 dana juqa dápter, qalamsaýyt, sýret albomy, sharıkti qalamdar – 5 dana, jaı qaryndashtar – 10 dana, muqabalar – 15 dana, plastılın, akvareldi boıaýlar, syzǵysh jáne óshirgish kiredi.

Orta mektep oqýshylary úshin jıyntyqta: rıýkzak, kúndelik, 20 dana juqa dápter, jalpy dápterler – 10 dana, penal, sýret salý albomy, sharıkti qalamdar – 5 dana, jaı qaryndashtar – 10 dana, muqabalar – 15 dana, syzǵysh jáne óshirgish bolady.

Joǵary mektep oqýshylaryna arnalǵan komplektke: rıýkzak, kúndelik, juqa dápterler – 20 dana, jalpy dápterler – 10 dana, qalamsaýyt, sharıkti qalamdar – 5 dana, qarapaıym qaryndashtar-10 dana kiredi.

Oqý orny boıynsha kúndelikti mektepte tamaqtaný belgilengen normalar boıynsha júzege asyrylady.

Jeńildetilgen jol júrýge keletin bolsaq, «Qazaqstan Respýblıkasyndaǵy kólik týraly» Zańnyń 13-baby 7-den 15 jasqa deıingi balalarǵa qoǵamdyq kólikte bılet baǵasynan 50% jeńildik túrindegi jol júrýge kepildik beredi.

Bizdiń kanalymyzǵa jazylyńyz:

Bólisińiz:
Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Bakytjan Erbasov
Bakytjan Erbasov
954-059
REDAKTOR
Erbol Janat
Erbol Janat
954-059

MURAǴAT