Jol jóndeý jumystaryna baılanysty Nur-Sultanda eki ýchaske jabylady
2022 jylǵy 8 mamyr 17:32

Jol jóndeý jumystaryna baılanysty Nur-Sultanda eki ýchaske jabylady

NUR-SULTAN. QazAqparat – Jol jóndeý jumystaryna baılanysty qaladaǵy eki ýchaskede qozǵalys tolyǵymen shekteledi. Bul týraly Nur-Sultan qalasynyń Kólik jáne jol-kólik ınfraqurylymyn damytý basqarmasy málimdedi, dep habarlaıdy QazAqparat astana ákimdigine silteme jasap.

«8-9 mamyrda Qabanbaı batyr dańǵyly men Syǵanaq kóshesiniń qıylysynda avtokólik quraldarynyń qozǵalysy tolyǵymen toqtatylady, óıtkeni Qabanbaı batyr dańǵylyndaǵy jol tósemin ortasha jóndeý jumystary júrgiziledi», - delingen habarlamada.

Sonymen qatar, Bókeıhan kóshesi men Syǵanaq kóshesiniń arasyndaǵy jol ortasha jóndeýden ótedi. Osyǵan baılanysty 7-9 mamyr aralyǵynda «Jusan Bank» mańynda avtokólik quraldary úshin jol jabyq.

«Qala joldarynda keptelis týdyrmaý úshin elorda turǵyndary men qonaqtary baǵyttaryn aldyn ala josparlaýy qajet. Keltirilgen qolaısyzdyqtarǵa jáne jóndeý jumystaryn júrgizýge túsinistikpen qaraýdy suraımyz», - dep tolyqtyrady basqarma.

Buǵan deıin Nur-Sultanda baǵdarshamnyń qyzyl túsine ótken júrgizýshi bir adamdy mert qylǵany týraly jazyldy.

Uqsas jańalyqtar
Seriktester jańalyqtary

Jańalyqtar

Úrdis

MURAǴAT