+7 (701) 759 90 19
USD 426.32 EUR 496.24
RUB 6.04 CNY 66.74
Jańalyqtar

«Jol kartasyna» sáıkes Ǵ.Qurmanǵalıev atyndaǵy oblystyq fılarmonııa qaıta túlemek

2009 jylǵy 25 tamyz 11:12
Bólisińiz:
«Jol kartasyna» sáıkes Ǵ.Qurmanǵalıev atyndaǵy oblystyq fılarmonııa qaıta túlemek

ORAL. Tamyzdyń 25-i. QazAqparat /Ǵaısaǵalı Eraly/ - «Jol kartasyna» sáıkes Ǵ.Qurmanǵalıev atyndaǵy Batys Qazaqstan oblystyq fılarmonııasy qaıta túlemek,

dep habarlaıdy QazAqparat tilshisi.

Fılarmonııa dırektory Maqsot Omarǵalıevtiń aıtýynsha, qazir atalmysh óner ordasy ornalasqan tarıhı Karev úıi kúrdeli jóndelý ústinde. Burynǵy eki úlken dúken aýmaǵy tolyǵymen fılarmonııanyń «kórshisi» J.Moldaǵalıev atyndaǵy oblystyq kitaphanaǵa berilip, munda abonent bólimi, kitap saqtaý qoımasy jáne basqa qosalqy bólmeler ornalasady. 280 sharshy metr jerasty orny da kitap saqtaýǵa arnalmaq. Birinshi qabattaǵy burynǵy kitap saqtaý qoımasy daıyndyq zaly retinde oblystyq fılarmonııanyń enshisine kóshedi. Birinshi qabatta sondaı-aq kameralyq mýzyka kontsertine arnalǵan zal oryn teýip, qajetti jabdyq-jıhazdarmen jasaqtalady. Al abonent bóliminiń úlken bólmeleriniń biri «Nazerke» ansambliniń balet synybyna aınalady.

Jóndeý jumystary júrip jatqanyna qaramastan, fılarmonııa ujymy jańa kontserttik maýsymǵa qyzý ázirlenýde. Qyrymgereı Qajymov jetekshilik etetin Dáýletkereı atyndaǵy qazaq ult aspaptar orkestri men «Nazerke» ansambli tyń týyndylarmen jumys isteýde. Fılarmonııa solısteri Saltanat Muratbekova men Juldyzbek Óteshqalıev arnaıy grantpen Italııadan oqyp keldi.

Fılarmonııa ártisteri Konstıtýtsııa kúnine arnalǵan merekelik baǵdarlamaǵa, odan keıin qyrkúıektiń 10-11-inde Qaratóbede ótetin ataqty ánshi Ǵarıfolla Qurmanǵalıevtiń 100 jyldyq mereıtoıyna, qyrkúıektiń 19-ynda qala kúnine, basqa da mádenı sharalarǵa belsene qatyspaq.

Bizdiń kanalymyzǵa jazylyńyz:

Bólisińiz:

Avtor:

Eljan Eraly

Pikir qaldyrý
+7
Jiberý
Sondaı-aq... oqyńyz
ONLAIN QYZMETKERLER
REDAKTOR
Aıdar Ospanalıev
Aıdar Ospanalıev
954-059

MURAǴAT