Joǵarǵy sottyń sýdıasy saılandy
2022 jylǵy 28 maýsym 10:11

Joǵarǵy sottyń sýdıasy saılandy

NUR-SULTAN. QazAqparat - Búgin Parlament Senatynyń jalpy otyrysynda Joǵarǵy sottyń sýdıasy bolyp Erkesh Máýken saılandy, dep habarlaıdy QazAqparat tilshisi.

«Memleket basshysy Joǵarǵy sot sýdıasy qyzmetine Erkesh Máýkendi saılaý týraly usynymdy engizdi. Ol Qaraǵandy oblystyq sotynyń sýdıasy qyzmetin atqaryp keldi. Onyń sýdıalyq eńbek ótili 22 jyldan asty», - dedi Joǵary sot keńesiniń tóraǵasy Denıs Shıpp.

Osy oraıda ol atalǵan sýdıa óz salasynyń bilikti mamany ekenin, qylmystyq isterdi qaraýda mol tájirıbesi bar ekenin atap ótti.

Aıta keteıik, Joǵarǵy sottyń sýdıasy qyzmetine saılanǵannan keıin, ol Parlament Senatynyń jalpy otyrysynda saltanatty túrde ant berdi.

Budan buryn habarlanǵandaı, bıyl 16 maýsymda Parlament Senatynyń jalpy otyrysynda Joǵarǵy sottyń eki sýdıasy saılanǵan edi.



Uqsas jańalyqtar

Jańalyqtar

Úrdis

MURAǴAT