+7 (701) 759 90 19 Lenta
USD 386.77 EUR 427.26
RUB 6.00 CNY 54.56
Jańalyqtar

Joǵalǵan alpınısterdi izdeý: Qorǵanys mınıstrligi sońǵy málimetterdi jarııalady

2019 jylǵy 23 tamyz 17:15
Bólisińiz:
Joǵalǵan alpınısterdi izdeý: Qorǵanys mınıstrligi sońǵy málimetterdi jarııalady

NUR-SULTAN. QazAqparat – QR Qorǵanys mınıstrligi Tıan-Shanda joǵalǵan alpınısterdi qutqarý operatsııasy týraly aqparatty jarııalady, dep habarlaıdy QazAqparat tilshisi.

Uqsas jańalyqtar
Alpınısterdi izdestirý: Maqsut Jumaev búgingi jumystardyń nátıjesin aıtty

«Áskerı alpınıster toby 19-22 tamyz aralyǵynda Tıan-Shan jotasynyń Jeńis shyńy aýdanynda júrgizilgen izdestirý-qutqarý operatsııasynan oraldy. Operatsııa jetekshisi, aǵa leıtenant Vasılıı Pıvtsov, kapıtan Maqsut Jumaev pen maıor Amanjol Rahmetov 15 tamyzda joǵalyp ketken Aleksandr Chechýlın, Murat Ótepbaev, Andreı Korneev úshtigin izdegen bolatyn. Áýeli Jeńis shyńynyń bazalyq lagerine ushyp shyǵatyn top jasaqtalyp, daıyndaldy. 19 tamyzdyń tańynda áskerı alpınıster Qarqara bazalyq lagerine qondy. Alaıda aýa raıy izdeý jumystaryn erkin júrgizýge múmkindik bermedi.

20 tamyzda kún ashylyp, operatsııa jalǵasty. Áskerı alpınıster joǵalǵan top ornalasýy múmkin degen aýmaqtyń ústinen 14 ret ushyp ótip, 5100-6000 metr bıiktikte áýeden sholý jasady. Jerge 70 metrge deıin jaqyndap, teplovızorlardan alynǵan aqparatty kózben sholyp qaraý jáne taldaý da nátıje bergen joq. Aman qalǵan adamdar ǵa qatysty belgiler tabylmady.

Jeńis shyńynyń úlken aýmaqqa jaıylyp jatýy izdeý jumystaryn qıyndatýda. Oper atsııa barysynda aýa raıy da qubylyp turdy. Jaýyn-shashyn molynan jaýyp, qardyń qalyńdyǵy 1,5 metrge jetti. Osylaısha kóshkin qaýpi tóndi. Mundaı kezde jaıaý top jiberý orynsyz edi», - delingen mınıstrliktiń esebinde.

Mınıstrliktiń baspasóz qyzmeti alpınısterdiń Jeńis shyńyna 14 tamyz kúni-aq aýa raıy qubylǵanyn aıtady.

«Aýa raıy sol kezden bastap buzyldy . 15 tamyz kúni Murat Ótepbaev pen Andreı Korneev shamamen 6600-6900 metr bıiktikten sońǵy ret baılanysqa shyǵyp, Aleksandr Chechýlınniń qaıtys bolǵanyn habarlady. Alpınıster panalaǵan shatyr men ózge de quraldardy jel ushyryp áketkendikten, sýyqtan qorǵaný úshin qardy úńgip panalaǵan bolatyn. 18 tamyzda «Aqsaı Trevel» týrıstik kompanııasynyń MI-8 tikushaǵy da áýege kóterilip, eshteńe tappaı qaıtqan. Taýda birneshe ret kóshkin júrdi», - delingen aqparatta.

Joǵalǵan alpınıster týraly málimet:

Ótepbaev Murat Mataıuly - 1970 j. t., alpınızm boıynsha sport sheberligine úmitker, 3 sanatty nusqaýshy. 15 márte 5-shi dárejeli jáne odan kúrdeli bıiktikterdi baǵyndyryp, 11 ret «jeti myńdyq» shyńǵa shyqqan. Sonyń ishinde ózi joǵalǵan Jeńis shyńy da bar (7439m). Ózi de talaı ret qutqarý operatsııalaryna qatysqan.

Eske salsaq, almatylyq Murat Ótepbaev, Andreı Korneev jáne kóz jumǵan Aleksandr Chechýlın Qyrǵyzstandaǵy «Jeńis» shyńynda qarly boranyń astynda qalǵan.

Almaty qalasynyń ákimi Baqytjan Saǵyntaev taýda qazaqstandyq alpınıster tobynyń joǵalyp ketýine qatysty Instagram paraqshasynda alańdaýshylyq bildirdi.

Keıinirek joǵalǵan alpınısterdiń biriniń qyzy áleýmettik jeli arqyly qalyń kópshilikten kómek surady .

Sondaı-aq, QR Qorǵanys mınıstrligi alpınısterdi qutqarý operatsııasyn bastady .

QR Qarýly Kúshteriniń áskerı qyzmetshisi, kapıtan Maqsut Jumaev Qyrǵyzstan taýlarynda joǵalǵan qazaqstandyq alpınısterdi izdestirý jumystary týraly aıtqan bolatyn.

Aýa raıynyń qolasyzdyǵy almatylyq alpınısterdi izdeýge kedergi keltirdi.

Bizdiń kanalymyzǵa jazylyńyz:

Bólisińiz:

Avtor:

Esimjan Naqtybaı

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Bakytjan Erbasov
Bakytjan Erbasov
954-059
REDAKTOR
Mýhamedııarova Janara
Mýhamedııarova Janara
954-059
REDAKTOR
Janıbek Amangeldı
Janıbek Amangeldı
954-059

MURAǴAT