+7 (701) 759 90 19
USD 432.64 EUR 505.02
RUB 5.47 CNY 64.7
Jańalyqtar

Jobalyq basqarýdy memlekettik qyzmet salasynda qoldaný perspektıvasy talqylandy

2020 jylǵy 22 tamyz 19:08
Bólisińiz:
Jobalyq basqarýdy memlekettik qyzmet salasynda qoldaný perspektıvasy talqylandy

NUR-SULTAN. QazAqparat – QR Memlekettik qyzmet isteri agenttiginde memlekettik qyzmet salasynda jobalyq basqarýdy qoldaný máselelerin talqylaý boıynsha onlaın konferentsııa ótti.

Talqylaýǵa QR Prezıdenti Ákimshiliginiń memlekettik basqarý bóliminiń meńgerýshisi Áltaıyr Ahmetov, Memlekettik qyzmet isteri agenttiginiń apparat basshysy Bazaraly Baqtygereev, Memlekettik qyzmet salasyndaǵy óńirlik habtyń Basqarýshy komıtetiniń tóraǵasy Álıhan Baımenov, Ulttyq ekonomıka mınıstrligi jobalyq basqarý departamentiniń dırektory Ilona Shvartskopf, QR Prezıdenti janyndaǵy Memlekettik basqarý akademııasynyń memlekettik basqarýdaǵy jobalyq menedjmentti damytý ortalyǵynyń basshysy Arman Evnıev jáne atalǵan Akademııaǵa qarasty kásibı damý ınstıtýtynyń dırektory Margarıta Qadyrova qatysty.


Konferentsııaǵa qatysýshylar memlekettik qyzmet salasynda jobalyq basqarýdy qoldanýdyń artyqshylyqtaryn talqylady, sondaı-aq nazar aýdarýdy qajet etetin máselelerdi ortaǵa saldy.

QR Prezıdenti Ákimshiliginiń memlekettik basqarý bóliminiń meńgerýshisi Áltaıyr Ahmetov ýaqyt talabyna sáıkes memlekettik basqarýǵa jańa tásilderdi engizýdiń mańyzdylyǵyn atap ótti. Memlekettik basqarýdyń jańa tujyrymdamasynyń ıdeologııasy ákimshilendirý modelinen servıstik oılaý modeline kóshýge baǵyttalǵanyn aıtty.

«Kez-kelgen uıymda eki negizgi qyzmet túri bar: operatsııalyq jáne jobalyq qyzmet. Operatsııalyq – bul kúndelikti, qaıtalanatyn, tehnologııalyq qyzmet. Bul tujyrymdama aıasynda biz ony damytý jáne jetildirý qajet úderistik tásil retinde qarastyramyz. Qazir memlekettik qyzmettegi bıznes-protsesterdi ońtaılandyrý jáne avtomattandyrý múmkindigin qarastyrýdamyz. Bul, bizdiń oıymyzsha, memlekettik qyzmetshilerdiń ýaqytyn halyqpen sapaly ózara is-qımylǵa baǵyttaýǵa serpin beredi.

Eger jobalyq basqarý týraly aıtatyn bolsaq, biz memlekettik basqarýdaǵy problemalardyń reestrin jasadyq, olardyń sheshimin jobalyq turǵydan kórip otyrmyz», - dep atap ótti Á.Ahmetov.

MQІA apparat basshysy Bazaraly Baqtygereev jobalyq basqarýdy engizý boıynsha memlekettik qyzmet salasyndaǵy ýákiletti organ júrgizetin jumystarǵa toqtalyp ótti. Apparat basshysynyń aıtýynsha, qazirgi ýaqytta agenttik memlekettik apparatty jobalyq basqarý salasyna beıimdeý baǵytyndaǵy kedergilerdi joıý boıynsha tıisti jumystar atqarýda.

«Іs júzinde jobany basqarýda ózara is-qımyl mańyzdy ról atqarady. Qazir Agenttik «ózara is-qımyldy» damytý maqsatynda uıymdastyrýshylyq ortany ózgertý boıynsha jumystardy júzege asyrýda. Ár túrli qyzmetterdiń, departamentterdiń jáne t. b. mamandardyń ózara baılanysy, yntymaqtastyǵy úshin jaǵdaı jasalýda. Bizdiń barlyǵymyzdyń maqsatymyz bir, biz syndarly ózara is –qımyldy bir júıege qoıa alsaq, onda bul jobalyq basqarýdy damytýǵa odan ári septigin tıgizedi», - dep atap ótti B.Baqtygereev.

Budan basqa, B.Baqtygereev agenttik jobalyq basqarý baǵytynda iske asyryp jatqan «i-kyzmet» jobasy týraly egjeı-tegjeıli aıtyp berdi.

«Bul joba memlekettik qyzmetshilerge kúndelikti, qaıtalanatyn jáne túrli túıitkilderden arylýǵa múmkindik beredi. ıAǵnı, memlekettik apparat kadrlyq ózine - ózi qyzmet kórsetýge kóshedi jáne is júzinde mańyzdy isterge kóp kóńil bólýge múmkindik beredi», - dedi MQІA apparat basshysy.

Slndaı-aq, agenttiktiń memlekettik organdarmen birlesip jobalyq basqarýdy engizý boıynsha jumysy jalǵasatyny atap ótildi.

Óz kezeginde, Ulttyq ekonomıka mınıstrliginiń departament dırektory Irına Shvartskopf jobalyq basqarýdyń normatıvtik-quqyqtyq bazasyn engizý boıynsha jumys barysy týraly aıtty.

«Jobalyq tásildi memlekettik josparlaý júıesinde qujatty iske asyrýǵa engizý usynylady. Jobalyq basqarýdyń kómegimen biz júıeli reformalardy (memlekettik baǵdarlamalar, óńirlerdi damytý baǵdarlamalary) iske asyrýdy jáne ishki ákimshilik rásimderdi jaqsartýdy kórip otyrmyz. Búgin ákimshilik rásimder týraly zańǵa túzetýler engizý usynylady, óıtkeni jobalyq qyzmet birinshi kezekte zańnamalyq akt deńgeıinde rettelýi jáne memlekettik organdardyń quzyretinde jazylýy tıis», - dedi spıker.

Onlaın konferentsııada Memlekettik basqarý akademııasynyń memlekettik basqarýdaǵy jobalyq menedjmentti damytý ortalyǵynyń basshysy Arman Evnıev ózi basqaratyn ınstıtýtpen júzege asyrylyp jatqan jobalar týraly áńgimeledi. A.Evnıevtiń aıtýynsha, aǵymdaǵy jyldyń qazan aıynda memlekettik sektor úshin jobalyq basqarý boıynsha ulttyq konkýrs ótkizý josparlanýda.

«Bul baıqaý jobalyq basqarýdy damytýǵa jáne memlekettik sektorǵa túrli jobalardy iske asyrýǵa yqpal etýge serpin beredi. Baıqaýdy biz úsh nomınatsııa boıynsha ótkizýdi josparlap otyrmyz: úzdik joba, jyl jobasynyń úzdik menedjeri, baǵdarlamany júzege asyrýdyń úzdik ofısi», - dedi ol.

Memlekettik basqarý akademııasynyń kásibı damý ınstıtýtynyń dırektory Margarıta Qadyrovanyń aıtýynsha, memlekettik basqarý júıesine jobalyq menedjmentti engizýdiń sáttiligi kóbinese memlekettik organdardyń kadrlyq quramynyń biliktilik deńgeıine, memlekettik qyzmetshilerdiń belgisizdik jaǵdaıynda kúrdeli máselelerdi sheshýde jobalyq basqarý quraldaryn saýatty paıdalaný qabileti men daıyndyǵyna baılanysty bolyp tabylady.

Osyǵan baılanysty, akademııa bilim berý protsesine jańashyldyqtar engizdi. Bul, 3 myńnan astam memlekettik qyzmetkerdi biliktiligin arttyrý semınarlary men qaıta daıarlaý kýrstary sheńberinde jobalyq menedjmentti oqytýǵa múmkindik berdi.

Sonymen qatar, Memlekettik qyzmet salasyndaǵy óńirlik habtyń basqarýshy komıtetiniń tóraǵasy Álıhan Baımenov Qazaqstannyń memlekettik basqarý júıesine jobalyq menedjmentti engizýdiń róli men tarıhy týraly pikirimen bólisti.

«Jobalyq basqarýdy engizý jumystaryn biz 2013 jyly bastadyq. Ol kezde Memlekettik qyzmet isteri agenttigi jobalyq basqarýdy damytý baǵyttaryn anyqtap, osy salada alǵashqy sertıfıkattalǵan jattyqtyrýshylardy daıyndady.

Jalpy alǵanda, jobany basqarý operatsııalyq bloktyń bóligi bolyp tabylady. Qazir kóptegen elder jobalyq menedjmentti damytýǵa erekshe kóńil bólýde. Bul, óte tıimdi qural», - dedi Á.Baımenov.

Sóz sońynda ol jobalyq basqarý memlekettik qyzmet júıesindegi mańyzdy mindetterdi sheshýdiń ajyramas quralyna aınalatynyna senim bildirdi.

Konferentsııa qorytyndysy boıynsha qatysýshylar jobalyq basqarý ashyqtyqty qamtamasyz etýge, eseptilikti boldyrmaýǵa, memlekettik organdar arasynda yntymaqtastyq qurýǵa múmkindik beretin jáne alǵa qoıylǵan maqsattarǵa qol jetkizýdiń tıimdi quraldarynyń biri bolyp tabylatynyn atap ótti.


Bizdiń kanalymyzǵa jazylyńyz:

Bólisińiz:

Avtor:

Aıaýlym Altynbek

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Erbol Janat
Erbol Janat
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT