Jezqazǵanda taǵy bir kompıýterlik tomografııa kabıneti ashyldy

JEZQAZǴAN. QazAqparat – Jezqazǵanda MJÁ aıasynda kópsalaly aýrýhana bazasynda kompıýter tomografııasynyń jańa kabıneti ashyldy. Bul qaladaǵy besinshi KT-kabınet. Apparat táýligine 120-ǵa jýyq zertteý jasaı alady, dep habarlaıdy QazAqparat tilshisi.

Zamanaýı jabdyqta qazirdiń ózinde kóptegen zertteýlerden ótýge bolady. Kelesi aıda ınjektordy ornatylǵan soń kontrastty zertteýler qoljetimdi bolady.

Fılıalda aqyly negizde de, megin medıtsınalyq kómektiń kepildik berilgen kólemi jáne MÁMS sheńberinde de belgilengen kvota sheginde qyzmet kórsetiledi. KT birinshi kezekte ortalyq aýrýhanada statsıonarlyq em alatyn shuǵyl patsıentter úshin júrgiziledi.

«Qorytyndyny zertteý júrgizilgen sátten bastap 24 saǵat ishinde alýǵa bolady. Naýqas qolyna dısk alady, al qajet bolǵan jaǵdaıda qosymsha aqyǵa plenka tasymaldaǵysh beriledi», - dep málimdedi Qaraǵandy oblysynyń Densaýlyq saqtaý basqarmasynan.

KT apparaty bar fılıaldyń mekenjaıy: Imanjan kóshesi 11-úı. Jumys ýaqyty: dúısenbiden juma aralyǵynda saǵat 09.00-den 19.00-ge deıin.