Jezqazǵan, Temirtaý, Balqash, Rıdder, Hromtaý mańynan jańa ken kózderin izdeý bastaldy
2022 jylǵy 19 mamyr 11:28

Jezqazǵan, Temirtaý, Balqash, Rıdder, Hromtaý mańynan jańa ken kózderin izdeý bastaldy

NUR-SULTAN. QazAqparat – Jezqazǵan, Temirtaý, Balqash Rıdder, Hromtaý sııaqty taý-ken ónerkásibine arqa súıep otyrǵan qalalardyń mańaıynan jańa ken kózderin izdeý bastaldy, dep habarlaıdy QazAqparat tilshisi.

Bul jaıynda QR Ekologııa, geologııa jáne tabıǵı resýrstar mınıstrligi Geologııa komıteti tóraǵasy Talǵat Satıev Ortalyq kommýnıkatsııalar qyzmetinde ótip jatqan brıfıngide málim etti.

«Qala quraýshy kásiporyndardyń ornyqty jumys isteýin qamtamasyz etý úshin monoqalalarǵa jaqyn ornalasqan, ekonomıkasynyń negizin taý-ken metallýrgııa kesheni quraıtyn Rıdder, Hromtaý, Jezqazǵan, Temirtaý jáne Balqash sıqty 7 perspektıvaly ýchaskede izdestirý jumystary júrgizilýde», - dedi Geologııa komıtetiniń basshysy.

Sondaı-aq, ol álemde sırek kezdesetin metaldarǵa, onyń ishinde lıtııge suranystyń artyp otyrǵanyn aıtty.

«Shıkizattyń osy atalǵan túrlerin anyqtaýǵa erekshe nazar aýdarylyp otyr. Atap aıtqanda, bıyl Shyǵys Qazaqstan oblysyndaǵy «Qaraıaq» jáne «Monsha» ýchaskelerinde sırek kezdesetin metaldardy anyqtaý jumystary jalǵasýda. 12 jańa ýchaskede sırek kezdesetin metaldardy anyqtaý perspektıvalaryn aıqyndaý boıynsha jumystardy bastaý josparlanyp otyr», - dedi Talǵat Satıev.

Buǵan deıin jazǵanymyzdaı, Qazaqstanda geologııalyq málimet jınaqtalǵan aqparattyq júıe qurylady.


Jańalyqtar

MURAǴAT