Jezqazǵan qalasyna jańa ákim taǵaıyndaldy
2022 jylǵy 28 maýsym 16:56

Jezqazǵan qalasyna jańa ákim taǵaıyndaldy

JEZQAZǴAN. QazAqparat – Mysty qalany Qaırat Shaıjanov basqaratyn boldy, dep habarlaıdy QazAqparat tilshisi.

Ulytaý oblysy ákiminiń ókimimen, QR Prezıdent ákimshiliginiń jáne Jezqazǵan qalalyq máslııhatynyń kelisimimen Qaırat Shaıjanov Jezqazǵan qalasynyń ákimi qyzmetine taǵaıyndaldy.

Qaırat Abdollauly 44 jasta. Jańaarqa aýdany Atasý kentinde dúnıege kelgen.

Eki joǵary bilimi bar, Qaraǵandy memlekettik tehnıkalyq ýnıversıtetin, Qazaq tutynýshylar odaǵy Qaraǵandy ekonomıkalyq ýnıversıtetin támamdaǵan.

Eńbek jolyn 2000 jyly bastaǵan. Ár jyldary bıznes salasynda, túrli memlekettik qyzmette eńbek etken.

2009-2013 jyldary Sátbaev qalasy ákiminiń orynbasary, 2015-2018 jyldary Qaraǵandy oblysy Osakarov aýdanynyń ákimi qyzmetin atqarǵan.

2019 jyldan bastap osy kúnge deıin Aýyl sharýashylyǵy mınıstrliginiń «Ulttyq agrarlyq ǵylymı-bilim berý ortalyǵy» KEAQ aktıvterdi basqarý departamenti dırektory laýazymynda eńbek etti.


Jańalyqtar

Úrdis

MURAǴAT