+7 (701) 759 90 19
USD 445.84 EUR 490.47
RUB 5.73 CNY 62.87
Jańalyqtar

Jetisýdan shyqqan rýhanı kerýen arystyqtarmen kezdesti

2019 jylǵy 30 qazan 14:22
Bólisińiz:
Jetisýdan shyqqan rýhanı kerýen arystyqtarmen kezdesti

ARYS. QazAqparat – Almaty oblysy ákiminiń qoldaýymen jáne Din isteri basqarmasy uıymdastyrǵan «Rýhanı kerýen» jobasynyń ІІІ kezeńiniń sońǵy sapary kúlli túrki halyqtaryna áıgili áýlıeler jatqan qasıetti Túrkistan jerinde jalǵasty. Aldymen, zııaly qaýymnan quralǵan top ulylyqtyń bıik úlgisin tanytyp, Arys qalasyndaǵy aǵaıynmen jáne aımaq turǵyndarymen kezdesti, dep habarlaıdy QazAqparat tilshisi.

Uqsas jańalyqtar
Aqtóbede Abaıǵa jáne Shámshi Qaldaıaqovqa eskertkish ornatylady Qostanaı oblysynda tarıhı-mádenı murany saqtaý ortalyǵy ashylmaq Saryaǵash aýdanynyń qarııalary kıeli jerlerdi aralady

Eńsesin endi tiktep kele jatqan Arys jurty alystan kelgen jetisýlyqtardy aımaqqa kirer qaqpadan qushaq jaıa qarsy aldy. Qadamdaryna shashý shashyp, bar dámin aldyna tosty. Jergilikti halyq ulttyq ónerdi ulyqtap, Almaty oblysynan at terletip jetken delegattarǵa arnaý jyrlaryn, dástúrli ánderin arnady.

«Rýhanı kerýen» tobynyń sapary Arys qalalyq mádenıet úıindegi aýqymdy jıynmen bastaý aldy. Munda ashyq aspan astynda arystyq jurtshylyq nazaryna «Jer jánnaty – Jetisý» óńiriniń mádenı murasy, ıaǵnı kóne zııarat oryndary men eskertkishterinen syr shertetin ashyq aspan formatynda sýret kórmesi qoıyldy. Dinı saýattylyqty arttyrýǵa arnalǵan arnaıy túsindirme kitapshalary men Almaty oblystyq din isteri basqarmasynyń tól gazeti «Din jáne mádenıet - rýhanııat álemi» taratyldy.

Mádenıet saraıyndaǵy basqosýǵa 200-ge tarta Arys turǵyndary: memlekettik mekeme qyzmetkerleri, qoǵamdyq birlestikter ókilderi, ardagerler jáne jastar jıyldy. «Rýhanı kerýen» jumysy halyqtyń dástúrli rýhanı mádenıetin damytý, memlekettiń rýhanı tiregi salǵan asyl dinniń qaǵıdattaryn dáripteý maqsatynda uıymdastyrylǵany atap ótildi. Jıynda kópshilik belgili dintanýshylar, qoǵam qaıratkerleriniń rýhanı áńgimesinen sýsap, ólsheýsiz azyq aldy.

Sondaı-aq, jıyn barysynda Almaty oblystyq maslıhatynyń hatshysy jáne Din isteri basqarmasynyń basshysy qonaqjaılyq tanytqan Arys halqyna alǵys bildirip, eki oblystyń dostyǵy máńgilik bolǵaı degen tilegin jetkizdi. Jınalǵan jurtshylyqqa kádeli syılyqtaryn tabys etti. Súıinbaı atyndaǵy Almaty oblystyq fılarmonııanyń ónerpazdary sahna tórinde dástúrli ánderdi oryndap, bıden shashý shashty. Sonymen qatar, Rýhanı kerýen toby Otyrar memlekettik arheologııalyq qoryq-mýzeıine saıahattady. Ekskýrsııa barysynda qatysýshylar ejelgi tarıh qoınaýyna boılap, qundy jáne tyń derekterge kýá boldy. Mýzeı qyzmetkeri ortalyqtaǵy barlyq jádigerlerdi tanystyryp, tolyq aqparat berdi.

Túrki halyqtarynyń kıeli besigindegi sapary Arystanbab kesenesinde jalǵasty. Jetisýlyq delegat baba rýhyna taǵzym etti.

Aıta keteıik, rýhanı kerýen quramy Almaty oblystyq máslıhat hatshysy Sultan Dúısenbınov pen Din isteri basqarmasynyń basshysy Rahmet Esdáýletov, QR alǵashqy Bas mýftıi Rátbek qajy Nysanbaev, Qazaqstan Jazýshylar jáne Jýrnalıster odaǵynyń múshesi, aqyn Dáýletbek Baıtursynuly jáne taǵy basqa zııaly tulǵalardan jasaqtalǵan.

Bizdiń kanalymyzǵa jazylyńyz:

Bólisińiz:

Avtor:

Aınur Aqbaeva

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Erbol Janat
Erbol Janat
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT