Jetisý jáne Almaty oblysy kásipkerler palatasynyń dırektorlary taǵaıyndaldy
2022 jylǵy 21 maýsym 03:10

Jetisý jáne Almaty oblysy kásipkerler palatasynyń dırektorlary taǵaıyndaldy

TALDYQORǴAN.QazAqparat - Búgin Almaty jáne Jetisý oblysyndaǵy kásipkerler palatasynyń dırektorlary taǵaıyndaldy, dep habarlaıdy QazAqparat tilshisi.

Merıtokratııa qaǵıdaty boıynsha Jetisý oblysy ókildiginiń dırektory bolyp Almaty oblysy óńirlik kásipkerler palatasynyń burynǵy basshysy Dáýren Ońalbaev, Almaty oblysy ókildiginiń basshysy qyzmetine Ulttyq kásipkerlik palatasy agroónerkásip keshen departamenti dırektorynyń orynbasary Qýandyq Chýnkýnov taǵaıyndaldy.

«Atameken» QR UKP tóralqa tóraǵasy Raıymbek Batalovtyń Taldyqorǵan qalasyndaǵy Almaty oblysy óńirlik keńesiniń múshelerimen kezdesýi barysynda kandıdatýralar qaralyp, biraýyzdan qoldaý tapty.

«Eki úmitker de óte tájirıbeli, jaýapty laýazymǵa laıyq. Biz Dáýren Ońalbaevtyń jumys nátıjesimen tanyspyz, óńirlik palatany basqardy. Qýandyq Chýnkýnovtyń aýyl sharýashylyǵy salasynda mol tájirıbesi bar ekeni qýantady. Tóralqa tóraǵasy tarapynan jaqsy usynym aıtyldy. Óıtkeni, jańadan qurylǵan Almaty oblysynda agroónerkásiptik keshendi de damytý qajet. Almaty aınalasyndaǵy azyq-túlik beldeýin qamtamasyz etý mindeti tur», - dedi óńirlik keńes múshesi Baqyt Ataıbekov.

Eske salaıyq, 2022 jyldyń 8 maýsymynda QR Prezıdentiniń «Qazaqstan Respýblıkasynyń ákimshilik-aýmaqtyq qurylysynyń keıbir máseleleri týraly» Jarlyǵy kúshine endi. Nátıjesinde jańadan qurylǵan óńirlerde kásipkerler palatasy ashylyp jatyr.

Jańa óńirlik palatalardy qurý sezdiń aıryqsha quzyreti bolǵandyqtan ony ótkizgenge deıin Qonaev qalasynda UKP ókildigi jumys isteıdi.

«Bul máseleni zańgerlermen jáne Ádilet mınıstrligimen birge talqyladyq. Kásipkerler palatasynyń qyzmetin úzbeý úshin Almaty oblysynyń óńirlik palatasyn Jetisý oblysy dep ózgertý jáne Almaty oblysynyń Qonaev qalasynda UKP ókildigin qurý týraly sheshim qabyldandy. Búgin oblys ákimderimen kezdesýde osy máseleler boıynsha mindetterdi aıqyndaımyz», – dedi «Atameken» QR UKP basqarma tóraǵasynyń birinshi orynbasary Maqsat Qıqymov.

Seriktester jańalyqtary

Jańalyqtar

Úrdis

MURAǴAT