Jetisaılyqtar keshegi surapyl daýyldan beri jaryqsyz otyr
2022 jylǵy 21 maýsym 23:38

Jetisaılyqtar keshegi surapyl daýyldan beri jaryqsyz otyr

JETІSAI. QazAqparat - Bir saǵat ishinde bolǵan daýyldan jetisaılyq turǵyndar jaryqsyz qaldy. Sharýalarǵa da kelgen shyǵyn kóp, dep habarlaıdy QazAqparat tilshisi.

Keshe keshke burshaq aralas nóser jaýyn jaýyp, qatty daýyl turǵan.

Bir saǵat ishinde baǵanalardy qulatyp, kóshedegi jarnama iletin taqtaıshalardy ushyryp áketipti. Aǵashtardy syndyryp, shatyrlardy ushyrǵan.

Sondaı-aq, sharýalarǵa da kelgen shyǵyn kóp.

Ásirese, Maqtaly, Qyzylqum aýyldary men Dáldábekov aýyldyq okrýgine qarasty eldi mekender jáne Asyq ata kentiniń turǵyndary kóp zardap shekken.

Burshaq aralas jaýyn jaıqalyp turǵan maqtany jermen jeksen etse, qarbyzdardy tesip tastaǵan.

Qazir aýdan aýmaǵyndaǵy jaryqtyń jaıy sheshilip keledi. Kórshi aýdannan da jumys kúshi tartylǵan.

Al, sharýalardyń shyǵynyn óteýge jergilikti ákimdik qaýqarsyz. ıAǵnı, jaýapty mamandar aýdandyq bıýdjetten bul baǵytqa qarjy qarastyrylmaǵan alǵa tartyp otyr.



Seriktester jańalyqtary

Jańalyqtar

Úrdis

MURAǴAT