Jetisaı aýdanynda aýyldardyń joldary jańaryp jatyr

JETІSAI. QazAqparat – Túrkistan oblysy Jetisaı aýdanynda aýyldardyń joldary jańaryp jatyr. Búginde Jańa aýyl aýyldyq okrýginiń 45,2 shaqyrymy asfalt bolsa, 15,3 shaqyrym kóshege tas tóselgen, dep habarlaıdy QazAqparat tilshisi.

Uqsas jańalyqtar

Aqmola oblysynda 412 shaqyrym jol jóndeldi

2020 jyly Almatynyń shetindegi 120 shaqyrym joldyń qurylysy bastalady 2020 jyly Qazaqstanda 1,3 myń shaqyrym jol paıdalanýǵa beriledi Jetisaıda jol jóndeý jumystary qarqyndy júrgizilýde

Aýyldyń ishki kósheleriniń jalpy uzyndyǵy - 70,5 shaqyrym. Bıyl 15,2 shaqyrymdy quraıtyn 11 kóshe orta jóndeýden ótti jáne uzyndyǵy 1,7 shaqyrymdy quraıtyn bir kóshege tas tóseý jumystary júrgizildi. Bul maqsatqa oblystyq jáne jergilikti bıýdjetterden 208 mln 63 myń teńge qaralyp, kósheler retke keltirildi. Sondaı-aq, aýyldyq okrýg ákimi Nurlybek Bahtııarovtyń bastamasymen eski kóshelerden qyryp alynǵan tastar da kádege jarap otyr.

«Jańa asfalt tóselmes buryn 5 santımetrdeı eski asfaltty qyryp alady. Keıin baryp jańa asfalt tóseıdi. Bizder sol eski asfalttyń betinen qyryp alynǵan tasty da tıimdi paıdalanýdyń jolyn taptyq. Ony aýyl aqsaqaldarymen keńesip, múldem tas tóselmegen topyraq kóshelerge tósep jatyrmyz», - deıdi Nurlybek Bahtııarov.

Sonymen qatar Yntymaq aýylynda uzyndyǵy 13 shaqyrymdy quraıtyn 9 kóshege 183 mln teńgege asfalt tóselse, 3 kóshege tas tastaý jumystar júrgizilip jatyr.

Aýdandyq jolaýshylar kóligi jáne avtomobıl joldary bóliminiń basshysy Nurken Álmeshtiń aıtýynsha, bıyl Jetisaı aýdanynyń avtomobıl joldarynyń kúrdeli, orta jáne aǵymdaǵy jóndeý jumystaryna 3 mlrd teńgege jýyq qarjy qaralyp otyr. Oǵan 136 shaqyrym jol jóndeýden ótkizilip jatyr.