+7 (701) 759 90 19
USD 426.32 EUR 496.24
RUB 6.04 CNY 66.74
Jańalyqtar

Jetinshi Armııa halyqaralyq oıyndary aıaqtaldy

2021 jylǵy 6 qyrkúıek 16:15
Bólisińiz:
Jetinshi Armııa halyqaralyq oıyndary aıaqtaldy

NUR-SULTAN. QazAqparat - On bir memlekettiń aýmaǵynda ótip jatqan jetinshi Armııa halyqaralyq oıyndary aıaqtaldy. Oıyn baǵdarlamasyna dalalyq, áýedegi jáne teńizdegi mashyqqa arnalǵan 34 konkýrs engizildi, dep habarlaıdy QazAqparat.

Oǵan 40-tan astam eldiń áskerı qyzmetshileri qatysty. Jarys bir mezgilde 23 polıgonda jáne úsh teńizdiń sý aılaǵynda ótti.

Qazaqstandyq áskerı qyzmetshiler onyń ishinde on bir konkýrsqa qatysty, olardyń ekeýi elimizde ótti.

«Mátibulaq» polıgonynda ótken «Suńqar ańshylyǵy» konkýrsyna Belarýs, Iran, Qazaqstan jáne Reseı áskerı qyzmetshileri qatysty.

Qatysýshylar áýe barlaýyn júrgizý, berilgen nysandardy izdeý, ushqyshsyz ushý apparattaryna qyzmet kórsetý jáne olardy ushýǵa daıyndaý boıynsha jarysty, sondaı-aq oq atýdan sheberlik kórsetti.

Saıys qorytyndysyna kelsek, birinshi orynda Qazaqstan, ekinshi orynda Belarýs, úshinshi orynda Reseı.

Sol polıgonda «Artıllerııadan oq atý sheberleri» saıysynda Ázerbaıjan, Belarýs, Vetnam, Iran, Qazaqstan, Reseı, Sırııa, Tájikstan jáne Ózbekstan Qarýly Kúshteriniń mınaatqysh eseptoptary qatysty.

Konkýrstyń úsh kezeńinde áskerı qyzmetshiler jyldamdyq pen mergendikti kórsetetin jaýyngerlik tapsyrmalardy oryndady.

Olar jeke jarysta, túngi sprınt jáne fınaldyq estafetada jeńis úshin kúresti. Jeńiske jetken – Qazaqstan komandasy.

Ekinshi oryndy Reseı, úshinshi oryndy Ázerbaıjan ıelendi.

Rıazanda «Desant vzvody» konkýrsy ótti. Іrikteý kezeńderinen ótken Desanttyq-shabýyldaý áskerleri bólimsheleriniń áskerı qyzmetshileri jarysqa qatysty.

Qatysýshylar vzvod quramynda desant túsirdi, marsh jasady, jaýyngerlik kólikterde jarysty jáne qoıan-qoltyq urys júrgizdi.

Bul konkýrsta birinshi oryndy Reseı komandasy alsa, al ekinshi oryndy Qazaqstan men Qytaı áskerı qyzmetshileri ózara bólisti, úshinshi oryn Belarýs komandasyna buıyrdy.

«Taktıkalyq mergen» konkýrsynda áskerı qyzmetshiler ǵımarattaǵy, batpaqty jerdegi jáne ormandaǵy urysty túrli jaǵdaıda kórneki kórsetip, tapsyrmalardy oryndady, sondaı-aq jaýyngerlik quramda ekeýden jáne tórteýden toptasyp jarysty.

Armııa halyqaralyq oıyndarynyń jańa konkýrsynda Reseı komandasy jeńimpaz atandy, ekinshi oryndy Qytaı ıelendi, al úzdik úshtikti Qazaqstan tuıyqtady.

Tyvada ótken «Attar marafonyna» qazaqstandyq taý-egerlik polktiń áskerı qyzmetshileri qatysty.

Qazaqstandyq áskerı shabandozdar barlyq kezeńderdi abyroımen eńserdi.

Qatysýshylar úshin ártúrli tapsyrmalar men kedergiler, júz shaqyrymnan asatyn kúrdeli joldy eńserýi, alys qashyqtyqqa jarys naǵyz synaq boldy.

Jalpy komandalyq esepte reseılik komanda jeńiske jetti. Ekinshi oryndy Mońǵolııa men Ózbekstan komandalary ózara bólisti. Úshinshi oryndy qazaqstandyq komanda ıelendi.

Armenııanyń Dılıjan qalasynda «Beıbitshilik jaýyngeri» konkýrsy ótti.

El áskerinen atalǵan konkýrsqa qatysý úshin kelisimshart boıynsha úzdik áskerı qyzmetshiler irikteldi.

Konkýrsqa kásibı jarystar, sondaı-aq qatysýshylardyń shyǵarmashylyq qabiletteri men talanttaryn kórsetetin kezeńder kirdi. Oǵan alty eldiń áskerı qyzmetshileri qatysty.

Jarys qorytyndysy boıynsha birinshi oryndy Armenııa komandasy, ekinshi oryndy Reseı, úshinshi oryndy Qazaqstan ıelendi.

Máskeý mańyndaǵy Patrıot saıabaǵynda «Ásker mádenıeti» konkýrsy ótti. Oǵan bizdiń elimizdiń atynan Ulttyq áskerı-patrıottyq ortalyqtyń shyǵarmashylyq ujymy jáne Qarýly Kúshterdiń áskerı-tarıhı mýzeıiniń qyzmetkerleri qatysty. Shyǵarmashylyq jarysqa jıyrma eldiń komandasy qatysty.

Konkýrsta birinshi oryndy Reseı, ekinshi oryndy Qytaı, úshinshi oryndy Qazaqstan men Belarýs elderi ıelendi.

Áskerı polıtseıler Serbııada ótken «Tártip saqshysy» konkýrsy barysynda kásibı sheberlik tanytty.

Oǵan Iran, Qazaqstan, Katar, Kıpr, Reseı jáne Serbııa komandalary qatysty.

Jarystar jeke jáne komandalyq kezeńderdi qamtydy. Sońǵy jáne asa kúrdeli synaq «Batyrlar jarysy» boldy. Qatysýshylar uzyndyǵy on eki shaqyrymdyq kúdergi kedergilerdi eńserýi tıis boldy.

Konkýrsta Serbııa quramasy jeńimpaz atandy. Ekinshi oryn Reseıge, úshinshi oryn Qazaqstanǵa buıyrdy.

«Elbrýs sheńberine» Qazaqstannyń taýdaǵy daıyndyq ortalyǵynyń áskerı alpınısteri qatysty. Jarys Kabardıno-Balqarııadaǵy «Terskol» polıgonynda ótti.

Birneshe arnaıy tapsyrmalardy quraǵan konkýrs barysynda qatysýshylar jeke jáne baılamdar arqyly taýǵa órmelep jarysty, jasandy taý bederine shabýyl jasady, taýly jerlerde baǵdarlaýdy pysyqtady, tasadan oq jaýdyrdy, taýdaǵy ózen arqyly ótti jáne Elbrýs shyńyna shyqty.

Oǵan Abhazııa, Armenııa, Úndistan, Qazaqstan, Qytaı, Pákistan, Ózbekstan, Reseı jáne Ońtústik Osetııanyń áskerı alpınısteri qatysty.

Konkýrsta birinshi oryndy Reseı, ekinshi oryndy Ózbekstan, úshinshi oryndy Qazaqstan aldy.

Iranda ótken sý ústi kemeleri ekıpajdarynyń «Teńiz kýbogy» jarysynda qazaqstandyq áskerı teńizshiler Ázerbaıjan, Iran jáne Reseıdiń ókilderimen jarysty.

Qatysýshylar kemeni zákirge qoıýdan teńiz mashyǵyn kórsetti, artıllerııadan oq atýdy oryndady, áýe jáne teńiz nysanalaryn alyp, kemeniń syn saǵattaǵy ómirsheńdigin kórsetý úshin kúresti.

Konkýrs qorytyndysy boıynsha Irannyń áskerı teńizshileri úzdik dep tanyldy, ekinshi oryndy Reseı komandasy, úshinshi oryndy Qazaqstan men Ázerbaıjan ózara bólisti.

Tanymal «Tank bıatlony» konkýrsy bul joly da eń úzdik tank ekıpajdaryn anyqtady. Jarystar myqty básekelestikte ótti.

Ár komanda jeńiske umtylyp, jattyǵý kezinde kórsetken nátıjelerdi jaqsartýǵa jáne jolda qatelikter jibermeýge tyrysty.

Tankıster atys shepteri men kedergileri bar kúrdeli joldan ótti. Olar jyldamdyq pen manevrlikti, nysanalardy dál kózdeýdi, ekıpajdardyń úılesimdi is-qımyldy men sheberligin kórsetti.

Birinshi kezeńnen bastap qazaqstandyq áskerı qyzmetshiler on toǵyz eldiń qatysýshylary arasynda úzdik úshtikte boldy.

Fınaldyq estafetanyń qorytyndysy boıynsha qazaqstandyq tankıster úshinshi orynǵa ıe boldy. Bizdiń ekıpajdan tek konkýrs ıeleri men Qytaı komandasy ozdy.

Armııa halyqaralyq oıyndary – úzdik áskerı mamandardyń jarystary ǵana emes, bul áskerı qyzmetshilerdiń jaýyngerlik daıarlyǵynyń jańa túri.

Jarys arqyly jaýyngerler ózderiniń kásibı sheberlikterin jetildiredi, beıtanys polıgondarda, basqa elderdiń áskerı kúshterimen ótkir básekelestikte áreket etýge úırenedi.

Budan basqa, bul áskerı oıyndar qatysýshy memleketter arasyndaǵy dostyq qarym-qatynasty nyǵaıtýda úlken mańyzdy.

Bizdiń jaýyngerlerdiń qorjynynda eki «altyn», bir «kúmis» jáne segiz qola medal.

Qazaqstandyq bir de bir komanda medalsiz qalǵan joq.

Bıyl sanıtarlyq-epıdemıologııalyq jaǵdaıǵa baılanysty Qazaqstannyń Qarýly Kúshteri 11 baıqaýǵa ǵana qatysýmen shekteldi.


Bizdiń kanalymyzǵa jazylyńyz:

Bólisińiz:
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Aıdar Ospanalıev
Aıdar Ospanalıev
954-059

MURAǴAT