+7 (701) 759 90 19
USD 376.51 EUR 418.91
RUB 6.13 CNY 54.90
Jańalyqtar

Jergilikti jáne shetel mamandaryna teń jaǵdaı jasaý mınıstrliktiń baqylaýynda - mınıstr

2019 jylǵy 26 qarasha 16:52
Bólisińiz:
Jergilikti jáne shetel mamandaryna teń jaǵdaı jasaý mınıstrliktiń baqylaýynda - mınıstr

NUR-SULTAN. QazAqparat - Eńbek jáne halyqty áleýmettik qorǵaý mınıstri Birjan Nurymbetov QR Úkimetinde ótken baspasóz konferentsııasynda Eńbek jáne halyqty áleýmettik qorǵaý mınıstrligi sheteldik jumys kúshin tartatyn kásiporyndarǵa qoıylatyn talaptardy kúsheıtý turǵysynan QR zańnamasyna birqatar túzetýlerdi daıyndap jatqanyn aıtty.

Uqsas jańalyqtar
Qazaqstandyqtar áleýmettik-eńbek salasynda memlekettik qyzmet kórsetý sapasyna jaqsy baǵa berdi Qaı sanattaǵy azamattar kásipkerlik grantty «Bastaý-bıznesti» oqymaı ala alady Berdibek Saparbaev: Bizdiń negizgi ustanymymyz - kópbalaly otbasylardy qoldaý

Bul týraly primeminister.kz habarlady.

B. Nurymbetovtyń aıtýynsha, sheteldik jumys kúshin tartatyn kásiporyndarǵa tekserý júrgizgennen keıin, qazaqstandyq jáne sheteldik mamandardyń arasynda eńbekaqy tóleý men eńbek jaǵdaılaryndaǵy sáıkessizdik problemasy anyqtaldy. Osyǵan baılanysty, Eńbek jáne halyqty áleýmettik qorǵaý mınıstrligi QR zańnamasyna birqatar túzetýler daıyndady.

«Eger sheteldik jumys kúshin tartatyn kompanııa elimizdiń zańnamasyn júıeli túrde buzsa, onda ony kúsheıtý qajet. Sondyqtan, búginde Májiliste teń turmys jaǵdaılaryn jasaý boıynsha jumys berýshilerge qosymsha mindetteme men jaýapkershilik júkteletin zań jobasy qaralýda. Bul buǵan deıin zańnamada bolmaǵan», - dedi B. Nurymbetov.

QR EHÁQM jyl saıynǵy negizde sheteldik jumys kúshin tartatyn kásiporyndardy tekserý jóninde usynys bildirýde.

«Búgingi tańda, qoldanystaǵy zańnamaǵa sáıkes, memlekettik eńbek ınspektory kásiporyndardy jyl saıyn josparly túrde teksere almaıdy, tek bes jylda bir ret tekseredi. Sondyqtan sheteldik jumys kúshin tartatyn kompanııalar úshin biz tekserý krıterııleri boıynsha Eńbek ınspektsııasyna jyl saıyn profılaktıkalyq negizde osy kásiporyndardy tekserip otyrýyna múmkindik berý týraly usynystar engizemiz», - dedi mınıstr.

Sonymen birge, óńir ákimdikterine eńbek naryǵyn jan-jaqty zerttegennen keıin sheteldik jumys kúshin (ShJK) tartýǵa kvota qalyptastyrý jáne ShJK tartatyn jumys berýshilerdiń jergilikti kadrlarmen qamtýyn arttyrýdy qamtamasyz etý usynyldy.

«Búgingi tańda elimizde 50 myń sheteldik mamanǵa jumys isteýge ruqsat etilgen. Qazir kelesi jylǵa kvota daıyndap jatyrmyz. Eńbek jáne halyqty áleýmettik qorǵaý mınıstrligi Úkimetke osy kvotany eki esege jýyq azaıtýdy usynýǵa nıetti», - dedi B. Nurymbetov.

Sondaı-aq, EHÁQM tórtinshi sanat — jumysshy mamandyqtary boıynsha sheteldik mamandardy tartýǵa qoıylatyn talaptardy qatańdatýdy josparlap otyr.

«ıAǵnı, biz erejelerde jergilikti atqarýshy organdarǵa eńbek naryǵyn muqııat zerttegennen keıin kvotalar boıynsha usynystardy qalyptastyrýǵa qoıylatyn talaptardy belgileımiz. Eger eńbek naryǵynda bizde osy mamandyqtar men kásipterdiń mamandary bolsa, onda bul ruqsattar berilmeıdi. Biz úshinshi jáne tórtinshi sanattarǵa ruqsat merzimi aıaqtalǵannan keıin sheteldik mamandardy qazaqstandyq azamatqa aýystyrý úshin zańnamada burynnan bar erejelerdi qaıtarý máselesin pysyqtap jatyrmyz»,dedi mınıstr.

Bizdiń kanalymyzǵa jazylyńyz:

Bólisińiz:
Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Janat Qapalbaeva
Janat Qapalbaeva
954-059

MURAǴAT