Jergilikti organdar qyzmetiniń formatyn túbegeıli jańǵyrtý qajet – depýtat

NUR-SULTAN. QazAqparat – Jergilikti ókildi organdar qyzmetiniń formatyn túbegeıli jańǵyrtý qajet. Bul týraly Qazaqstan máslıhattarynyń 25 jyldyǵyna arnalǵan respýblıkalyq konferentsııada Almaty oblystyq máslıhatynyń hatshysy Sultan Dúısenbınov aıtty, dep habarlaıdy QazAqparat tilshisi.
«Osy jyldyń 24-25 qarashasynda Parlament Májilisindegi «Nur Otan» partııasy fraktsııasy músheleriniń jáne máslıhat hatshylarynyń qatysýymen ótken óńirlik fılıaldar ókilderi keńesinde Elbasy Nursultan Nazarbaev árbir ákim men máslıhattardyń, fraktsııa depýtattarynyń partııalyq jaýapkershiligin túbegeli kúsheıtý qajettigin, qazirgi ýaqytta máslıhattyń óńirlerdiń damýyna yqpal ete alatyn tetikteri bar ekenin jáne olardy qoldaný kerektigin atap ótti. Partııa tóraǵasynyń osy sózin basshylyqqa ala otyryp, jergilikti ókildi organdar qyzmetiniń formatyn túbegeıli jańǵyrtý qajet dep esepteımin», - dedi ol.
S.Dúısenbınov máslıhat depýtattary jurtshylyqty tolǵandyryp otyrǵan ózekti máselelerdi memlekettik organdar nazaryna jetkizý jumysyn jandandyryp, olardy sheshýdiń naqty joldaryn usynýǵa, sonymen birge ashyq bolýǵa, halyqpen jıirek kezdesýge, BAQ-tardyń, áleýmettik jeliler men messendjer múmkindikterin tolyq qoldanýǵa tıis ekenin aıtty.
«Jalpy alǵanda, máslıhattar óz tıimdiligin arttyryp, azamattyq dıalogtyń damýyna baǵyttalǵan adamdardyń suranystaryna sergektikpen qaraıtyn, jergilikti problemalar talqylanatyn jáne óz qyzmetinde qoǵam birligin nyǵaıtýǵa yqpal etetin ortalyqqa aınalýy tıisti»,- dedi oblystyq máslıhat hatshysy.
- Jambyl oblysynda departament basshysy alaıaqtyq boıynsha tergelip jatyr
- Almatynyń ІT arhıtektýra jospary bekitildi
- Almatydaǵy krematorııdiń qurylysy qashan aıaqtalady
- SQO-da memlekettik qyzmetshilerdiń 63 paıyzy – áıelder
-
Aqmolada ákim orynbasary men bólim bastyǵy jer telimi úshin kásipkerden para suraǵan
-
Pavlodar oblysynyń Aqsý qalasyna jańa ákim taǵaıyndaldy
- Elbasy joldaýy
- Joldaý júktegen mindetter
- Qazaqstan tarıhy
- Álemdik BAQ Qazaqstan týraly
- Jańa ındýstrııalandyrý
- Bolashaqqa 100 qadam