+7 (701) 759 90 19 Lenta
USD 386.70 EUR 427.15
RUB 6.06 CNY 54.57
Jańalyqtar

Jerdi tıimdi paıdalanbaıtyndar ony qaıtarýy kerek - Qumar Aqsaqalov

2019 jylǵy 18 shilde 14:47
Bólisińiz:
Jerdi tıimdi paıdalanbaıtyndar ony qaıtarýy kerek - Qumar Aqsaqalov

PETROPAVL. QazAqparat – Soltústik Qazaqstan oblysynda óńir basshysy Qumar Aqsaqalov depýtattar aldynda esep berdi, dep habarlaıdy QazAqparat tilshisi.

Uqsas jańalyqtar
SQO-da ıgerilmeı bos jatqan jerler memleket menshigine qaıtarylýda Shymkentte 1,5 myń jer telimi memleket menshigine qaıtaryldy BQO-da 1,532 mln gektar jer paıdalanylmaı bos jatyr

SQO-da tıimdi paıdalanylmaǵan jerler memleket menshigine qaıtarylady. Depýtattar aldynda esep bergen oblys ákiminiń aıtýynsha, tekserý nátıjesinen keıin 2015 jyldan beri 662,5 myń ga alqaptaǵy ýchaskeler basqalarǵa berilgen. Egistikke beıjaı qaraǵan sharýalar saldarynan tómen ónim alady. Jerdi kútip-baptamaǵannan keıin onyń qunary joıylady.

«Shaǵala agro» JShS men «Krahmal agro» JShS-niń egis alqaptarynyń aýmaǵy birdeı, 7 myń gektardan. Alaıda, «Shaǵala agro» ár gektardan - 35 tsentner alsa, ekinshisiniń ónimi odan 33%-ke tómen. Sonyń saldarynan eńbekaqyda da úlken aıyrmashylyq bar, túsetin salyq ta az», - deıdi Qumar Aqsaqalov.

SQO-da 287 sharýashylyqqa potentsıalyn anyqtaý maqsatynda saraptama jasalyp, olar úzdik-ortasha-artta qalǵan qaǵıdaty boıynsha 3 sanatqa bólindi. Birinshi sanatqa 7 kásiporyn jeti kórsetkish boıynsha engen. Bul jerde joǵary eńbekaqy, iri sút-taýarly fermanyń, bordaqylaý alańynyń jáne iri qaranyń bolýy, dándi daqyldardan joǵary ónimdilik, tehnıkany jańartyp otyrýy jáne aýyldyń áleýmettik damýyna úles qosýy esepke alyndy.

Úzdikterdiń qataryna «Daıyndyq Agro», «Ivan Zenchenko», «Taıynsha-Astyq», «Noǵaıbaı», «Zagradovskoe», «Prometeı Agro» JShS-teri jáne «Zenchenko ı K» KS-i endi. Ortasha kórsetkishi bar sharýashylyqtardyń sany - 64 bolsa, artta qalǵandar – 194.

Artta qalǵan sharýashylyqtardyń ıeliginde qazir 1,7 mln ga alqap bar. Olar ár gektardan 10 tsentnerge jetpeıtin ónim alady. Memleket qoldaý kórsetip, sýbsıdııa bergenimen, olardan, ázirshe, qaıtarym joq.

«Biz bul sharýashylyqtardyń sanyn kemitý úshin jumys isteımiz. Ónimdilikti arttyratyn bolsaq, onyń nátıjesin ár jumysshy kóretin bolady. Ásirese kósh sońynda júrgender jaǵdaıdy durystaýǵa tyrysýy kerek. Ár sharýashylyq basshysyna, aýdan ákimderine mindet qoıyldy», - dedi óńir basshysy.

Qumar Aqsaqalovtyń aıtýynsha, Prezıdent agroónerkásiptik keshendi damytý boıynsha naqty maqsattardy belgiledi. Sonyń negizgileri eksport kólemin 2,5 ese ulǵaıtyp, aýyl sharýashylyǵy salasyndaǵy ónimdilikti arttyrý.

«Bul baǵyttaǵy jumystar jalǵasyn tabady» dep qorytyndylady óz sózin oblys ákimi.


Bizdiń kanalymyzǵa jazylyńyz:

Bólisińiz:

Avtor:

Aqerke Dáýrenbekqyzy

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Bakytjan Erbasov
Bakytjan Erbasov
954-059
REDAKTOR
Jarylqasyn Saıagúl
Jarylqasyn Saıagúl
954-059

MURAǴAT